جە چوارچێوەو ڕێککەوتەی قەسەدەی و دیمەشقینە سیستەمو پەروەردەی تاوتوێ مکریۆ
جە چوارچێوەو ڕێککەوتەی بەینو قەسەدەی و دیمەشقینە، گفتوگۆ سەرو ئا ماتریاڵا کە جە سیستەمو پەروەردەینە بەکار بریا دەسش پنەکریان.
جە چوارچێوەو ڕێککەوتەکەینە کۆمیتەو پەروەردە و فێرکەردەی ئیدارەو ۋېڕاوەبەری دیموکراتیکی سەرنیشت و ۋەرکۊتوو سووریای و وەزارەتو پەروەردەو حکومەتو دیمەشقی کوۍ بیێوە.
گفتوگۆ جە ما بەینو لایەنەکانە سەرو ئا ماتریاڵا دەسش پنەکەرڎەن کە مشۊم جە سیستەمو پەروەردەینە بەکاربریۊ.
شیاوو باسیا جە ١٠و ئادارینە ڕێککەوتەیۍ ٨خاڵی جە ما بەینو مەزلوم عەبدی فەرماندەو گرڎیی قەسەدەی و ئەحمەد شەرعی سەرۆککۆمارینە جە دیمەشق ئیمزا کریا.
خاڵەکۍ ئا ڕێککەوتەیە ئینێنۍ:
"- پەنەوازا جە حکومەتی ئایندەنە بەبێ جیاوازی ئایین و نەتەوەکا، گەلاو سووریای خاوەن ۋەرپرسیاری یەکسان و نوێنەرایەتی با جە گرڎو پرۆسەی سیاسی و مېیانەکا حکومەتینە و مافەکێشا مسۆگەرۍ بکریا."
گلێرگەو کوردی پێکئامێوە دلینەین جە دۆڵەتو سووریای، دۆڵەتو سوریاچ گەرەنتی هامووڵاتبییەی و گرڏو مافە دەستوورییەکا مکەرۆ.
-پەنەوازا ئایێربەس جە سەرتاسەرو سووریاینە ئەرەیاویۆنە.
-گرڏو ئەرە مەزیێ مەدەنییەکێ و سەروازییەکێ سەرنیشتوو وەرکەتوو سووریای، دەروازە سنوورییەکێ، فڕۆکەخانەکێ، کێڵگە نەوتییەکێ و گازی سروشتی تێکەڵ بە ئیدارەو دۆڵەتو سووریای کەرانە.
-ئا هاموڵاتیی سووریای کە ئاوارێ بیێنێ گێڵاوە دەگا و شارەکاشا و جەلایەنو دۆڵەتو سووریایۆ پارێزیانە.
-پەشتیوانی جە هەوڵ و ئەوەکۆشای دۆڵەتو سووریای کریۆنە جە دژو پاشماوەکا ئەسەدی و گرڏو ئا هەڕەشێ کە ئینێ سەرو ئاسایش و یۆگێرتری وڵاتیۆ هەنێ.
-هەوڵدای پەی وەڵاکەردەیۆ پشێوی و ئا قسێ کە دووبەرەکی بەینو گرڏو پێکئامایەکا گلێرگەو سووریاینە وەش مکەرا گرڏ ڕەتێ کریاوە.
-کۆمیتەو جابەجێکەردەی هە تا ئاخیرو ئێساڵی بەردەوامێ بانە جە هەرمانەکاشا پەی جابەجێ کەردەو ڕێککەوتنەکەی."
