ڕێکوزیاو پەیامکیانا پەی ماف و گەشەپنەدای سەبارەت پا پاشێلکاریا کە ۋەرا ۋەر بە ڕۆنامەنوویسا جە دەنگدای تایبەتەنە ئەنجام دریێنۍ جە ئەرەیاۋنێوەنە ئاماژەش پانەی کەرڎەن، جە پڕۆسەو دەنگدای تایبەتینە پەی هۆرچنیەو پەرلەمانو هەرێمو کورڎەسانی، بە گرڎیى ١٩ پاشێلکاریۍ دژ بە ڕۆنامەنوویسا تۆمار کریێنۍ.

ڕۆشنیچشکەردەنۆ، فرەتەرین ئا پاشێلکاریۍ کە دژ بە ڕۆنامەنوویسا کریێنۍ جە سنوورو پارێزگاو هەڵەبجەینە بیەن، بە جۆرێوە ١٥ پاشێلکاریۍ جە هەڵەبجە و یەرۍ هەولێرەنە و یۆ جە دهۆكەنە تۆمارۍ کریێنۍ.

ڕێکوزیاکە ئانەیچش وستەن ڕووە، جە ئاکرێ و سۆران و کۆیە و هەڵەبجەنە ڕاگیریێوە فرە جە میدیاکا کریان کە ڕوماڵو پڕۆسەکەی بکەرا.