١١ شەهیدۍ یوشەکانو ئی دمایەو ڕژێمو تورکیای پەی سەرو ڕۊچاڤاو کوردستان، جە نەوەشخانەو شارو دێرکی وەرگیریێوە و بە کارەۋانی جەماوەری هەزران کەسی بریۍ گۆڕستانو شەهید خەباتی.
جە گۆڕستانەکەنە بە بەشداری دەیان هەزار کەسان، مەڕاسیمی  شکۆمەند پەی هەر ١١ شەهیدەکەی رێکۋزیا و جەماوەر پەیتا پەیتا درومشمۍ؛ شەهیدۍ نەمرێنۍ، تۆڵەتان بکەرمێنەوە، مدرامان ژیۋایەن و چنڎین دروشۍ تەرێشان ۋاتێۋە و بە دەیەقێۋە مدرای وەفاداری وێشان پەی شەهیدان دووپات کەردەۋە.

دماتەر چنڎین وتارۍ وانیێۋە جە ئانیشان؛ وتارو بنەماڵەو شەهیدانی، کۆنگرەو ستاری، هامسەرۆکایەتیی ئەنجومەنو ڕاۋەبەری هەرێمو جزیرەی، کە جە میانشانە جەخت جە درێژەدای بە ڕێۋازو شەهیدانی و ۋەرەنگاربییەیۆ ئەرەگێرتەیی ڕژێمو تورکیای کریاوە. هەرپاسە بەشداربییەی دەیان هەزار کەسان جە مەڕاسیمەکەنە بە وەڵامی گونجیا پەی ئەرەگێرتەیی تورکیای بەنامۍ کریا.

دەستنیشانیچ کریا، ئیتر هیچ هێز و لایەن و یورشۍ نمەتاوۆنە کوردی جە یاۋای بە ئامانجەکاش  پەشیمان بکەرۆنەوە، بەڵکو کورد سورتەر ببۆنە بە یاۋای بە ئامانجەکاش و ئەۋەمدرای دژ بە دوژمنی.

کۆتاییەنە بەڵگۍ شەهیدبییەی دریا بە کەسوکارو شەهیدانی و بەچڕییەی سرودا و واتەیۆ دروشمان تەرمۍ شەهیدەکان ئەسپەردەۍ کریۍ.

نامۍ شەهیدەکان بە ئی جۆرەنۍ: عسام عبدالله، حسين عەلي، چيچەك هاروني، هیلال قاسم، هديە عبدالله، عوبيد خالید، مەحمود عەلي، فايز عبدالله، نوري جفتەجي، حسيێن خلتو، مازن ئوسي.