هیزی چوارشەممەی، جە بەرزایەکێ تەتەی سەر بە هەرێمو هەورامانی، هێزەکێ ڕژێمو کۆمارو ئیسلامی ئێرانی تەقەشان جە کۆڵبەران کەردەن. جە ئاکامو تەقەکەردەکەیەنە کۆڵبەرێوی هەورامی بەنامی (فەهمی ڕۆستەمزادە)ی تەمەن ٤٠ ساڵان ئەرنیشتەو شارو هەورامانو تەختی بەسەختی بریندار کریان.
جە دمای ئەوەفاڕایش پەی چارەسەرگەو تاڵەقانی جە شارو کرماشانی، نەتاویان چارەسەریش پەی بکریۆنە و گیانش جەدەستدان.
دمای ئانەیە تەرمەکەش بریانەوە زادگاکەش و جە ئاگە بە مەڕاسیمی گەورەی جەماوەری و دلێ ناڕەزایەتی هەورامیەکانە ئەسپەردە کریان.

جە یەک هەفتەنە و چەنی هۆروچنای و دەستبەکاربییەی ئیبراهیم ڕەئیسی سەرۆک کۆمارو تازەو ڕژێمی ئینە دووەم کۆڵبەری هەورامین بە تەقەو هێزەکانو ئێرانی گیان و ژیوایش چەنە بسنیۆنەوە