تورکیا، جە سایەو دەسەڵاتداریی ئاکەپە/ مەهەپە و ئەردۆغانیەۋە، بییەن بە وڵاتێۋی فاشیست، پیاسالار و دژە ژەنی. بە جۆرێۋە کە ڕۊ نییەن ژەنێۋە یان زیاتەر نەکوشیۆنە یان ناچار بە ۋێکوشتەی نەکریانۍ. ژەنی سەرەڕاو کوشتەی، ئیتر جە ئاستی فرە گەورە و تەرسناکەنە مافەکێش پاشێلۍ کریانۍ و مامەڵەی نائینسانیش چەنی مکریۆنە. ئانە کە یاگۍ نیگەرانین ئانەن کە؛ ڕژێمە دەسەڵاتدارەکەو ئەردۆغانی هاندەرەن پەی فەراهەمکەردەی دۆخەکەی و بکوشۍ ژەنا و پاشێلکەرۍ مافەکانو ژەنۍ نەک دەستگیرۍ و زیندانیۍ نمەکریانۍ، بەڵکو پارێزنایچ و ئازادانە سوڕیاۋە.
جە نۊتەرین ئامارشانە، ڕێکۋزیێکۍ ژەنا و مافەکۍ مرۆڤی ئاشکراشان کەردەن: جە تورکیا تەنها جە مانگەو ئایاریەنە ٤٠ ژەنی کوشیێنۍ. هەموەخت ٢٢ ژەنێچ بەشێۋازی گوماناوی کۆتایی بە ژیۋایشان ئاۋریان و بانگەشە کریان: گوایا وێشان دماییشان بە ژیۋایشان ئاۋردەن.

جە ئابارەۋە پلاتفۆرمو (فێمیساید مدرنمۍ) ئەرەیاۋنانش: ٪٣٠ی ژەنەکا جەلاو بەنامۍ هامسەرەکانشانەۋە کوشیێنۍ.
 پلاتفۆرمەکە ئاشکراچش کەردەن: ئیتر یانەکۍ یاگێۋە ئارام و پارێزیا پەی ژەنا نییەنۍ. چونکە فرەتەرین تاۋانەکۍ جە دلۍ یانەکانە دژ بە ژەنە قوربانییەکان ئەنجامۍ دریێنۍ.
هاموەخت شەقامۍ و کۆڵانەکێچ پەی ژەنا نائارامێنۍ و ٧ حاڵەتۍ کوشتەی ژەنا دلێشانە ڕووەش دێنە. ئامارەکۍ نیشانەش مڎانە کە ٪٧٥و ژەنا دلۍ یانەکانشانە کوشیێنۍ.

پلاتفۆرمو (فێمیساید مدرنمۍ) سڵانێۋەن جەلاو کەسانێویۆ دروستکریان کە ژەنێۋە یان زیاتەرە جە بنەماڵەکانشانە کوشیێنە. ئامانجشان ڕووبەڕوو ژەن کوشتەی و پاشێلکەردەی مافەکانو ژەنا ببۆنەۋە و جە ئا چۋارچۋەنە بە بەردەۋامی چالاکۍ جۆراوجورۍ ئەنجامۍ مڎۆنە.

 هـ. هـ