سەندیکاو پارێزنەرا جۊلەمێرگی سەبارەڎ بە پەرسو بەکارئاورڎەو ئەشکەنجەدای جە تەرەفو پۊلیسیوە جە میانو هۊرکوای سەرویانانە جە مەنتیقەو گەڤەرو جۊلەمێرگی کە هېزی روۋەشدا یاۋنەریېۋەش ۋەڵاکەرڎۊ. سەندیکاکە جە یاۋنەریەکەشەنە باسش چانەی کەرڎەن کە چنی یۊ چا جوۋانا کە ئەشکەنجەدریان بە نامۍ مسەفا بۊری گفتوگۊشا کەرڎەن و جە موزەکەرېوەنە قسەکېشا تۊمار کەرڎەن. سەندیکاکە ئانەیچش وست ڕووە کە داواو ڕاوەبەرڎەی ۋنەپەرسایۍ کاریگەری مکەرا جە بارەو ئەنجامدەرا ئا ئەشکەنجەدایۊ.

سەندیکاو پارێزنەرا ئاماژەش پانەی کەرڎەن کە ئەشکەنجەدای دژوو گۊرەیی ئینسانین و مایەو قەبوڵکەرڎەی نییا و پی جۊرە ماچۊ: "تۊمەتەکېشا حەرچیۍ با حیچ کەسێوە بە حیچ جۊرۍ مەبۊ ئەشکەنجە بڎریۊ و مامەڵەی خراپش چنی ئەنجام بڎریۊ. جەبارەو ئا کەساوە کە ئەشکەنجەدای بەکارمارا مشۊ بە خېرایی هەرمانەی پێۋیسەشا وەران ۋەرکریۊ. داوا جە وەرپەرسا داڎگای مکەرمۍ کە دژوو ئەشکەنجەدای، کرڎەوە نامرۊڤانەکا و مامەڵەی خراپ و تنوتیژی، ۋنەپەرسایۍ کاریگەر و بەپەلە دەسپنەکەرا و تاوانبارا سزا بڎا. بە رێزۊ بە رای گرڎیش یاۋنمۍ کە ئێمە شۊنیرەلوای پۍ پرۊسەی یاسایی دۊسیەکەی مکەرمۍ".

هـ . ش