مۆدێلو ئیدارەو ۋێڕاوەبەری سەرنیشت و ۋەرکۊتوو سووریای پەی ئاینڎەو سووریای دیموکراتیکی بنیاڎبنریۆ فرە گرنگ موینیۆ، جە لایەنو سیاسەتمەدارا ئەوروپایۆ جە نزیکۆ چەمڎاری مکریۆ و پاڵپەشتیش ۋنە مکریۆ. ماوۍ چێوەڵی شاندێوە ئۊروپای جە ڕامېیاریمەدارا، پەرلەمانتارا پێک ئاما سەرشا ۋنەو هەرێمو ئیدارەو ۋێڕاوەبەری دا و بڕۍ گلېرۊبیێشا کەردۍ.

ئەندامەو ئەنجوومەنو شارەوانی پاریسی و یووە جە پارېزنەرا مافەکا مرۆڤی جە فەڕەنسانە جێنیڤیڤ گاریگۆسە دلۍ شاندەکەینە بۍ. جێنیڤیڤ گاریگۆسە چەمڎارییەکۍ سەرو هەرێمەکەی و گرنگی مۆدێلو ۋەرنیشتیش پەی پارېزنای سووریای پەی ئاژانسوو هەواڵوو فوراتی (ANF) هۊرسەنگنۍ.

'فاڕای ڕژێمی جە دیمەشقەنە ئاشتیش نارڎ'

جێنیڤیڤ گاریگۆسە ئاماژەش پانەی دا جە کاتو سەرۋنەدای شاندەکەیشانە چنی هامسەرۆکا ئیدارەو ۋېڕاوەبەری، فەرماندەو گرڎیی هێزەکاو سووریای دیموکراتیکی (قەسەدە) مەزڵوم عەبدی، ۋەرپەرسا یەپەگەی و یەپەژەی و هامسەرۆکاو شارەوانی کۆبانێ کوۍ بیێنێوە و واتش: "دەرفەتو ئانەیما بۍ سەرانسەرو ۋەرنیشتی گێڵمۍ. حەرچڼە وچیۆ بە فاڕای ڕژێمی جە دیمەشقەنە ئاشتی بە دی مۍ، بەڵام ئاژەکە پی جۆرە نییا. هرووژمەکۍ دۊڵەتو تورکی، جە ڕاو سوپاو نیشتیمانی سووریا (SNA)ی جە زەمینۆ هەڕەشێنۍ و بەردەواما. ئاژەو ئا ئینسانا جە ٢٠١٨ ەنە ناچارۍ بیۍ کە کۆچبەرۍ با و دماتەر ناچارۍ بیۍ بلانە شەهبا، ئی حەقەتینەیە وزۆ ۋەرو چەما."

'ئینسان تەرسۆ هەر ئانو ساتێنە بۆ بە مەرامو هرووژمەکا'

جێنیڤیڤ گاریگۆسە مڎرامانی تاریخی بەنداوو تشرینیش یاڎ ئاوردۆ و واتش: "ئێمە لوایمۍ بەنداوو تشرینی و دەرفەتو ئانەیما بۍ پاڵپەشتی مڎرامانیشا بکەرمۍ، بەڵام تورکیا شکۆمەندی نیشانەو مەدەنییەکا وای نمەڎۆ و هرووژم مکەرۆ سەرشا. هرووژمەکۍ تەنیا سەرو هێزەکاو پارېزنای نییەنۍ، جە ڕاو هێزی ئاسمانییوە هرووژم مکریۆ سەرو مەدەنییەکا. جە سەرۋنەداکەیمانە ئەژنیما جە هەرێمە جیاوازەکانە ئینسانۍ گەشمەرڎۍ با. ڕەنگە دیمەشقەنە دەسەلات فاڕیا بۆ، بەڵام ۋەرنیشتەنە دلۍ گەلینە درک جەنگی مکریۆ."

' عەفرینەنە تا ئیساتۍ هرووژمەکۍ نەمردێنۍ'

جێنیڤیڤ گاریگۆس ئاماژەش پانەی دا هرووژمەکێ دۆڵەتو تورکی سەرو وەرنیشتی تاوانێ جەنگیێنێ و دژو ئینسانینێ و واتش: "بابەتەکە تەنیا ئانە نییا جە ساڵەو ٢٠١٨ جە عەفرینەنە ڕووەشدان. ئی هرووژمێ هەڵای نەمدرێنێ. چنیشا قسێما کەردێ، ناچارێ بیێنێ عەفرینی جیا بازانە. ساڵەو ٢٠١٨نە تاکە چێوێ گەرەکشانە گێڵاوە پەی یانەکا وێشا. ئا تاوانێ جە دژو ئی گەلەیە ئەنجام دریێنێ جە یاڏ مەکریا. مشۆن دادپەروەری جابەجێ کریۆنە."

'مشۆم دەسەڵاتداری دیمەشقی مۆدێلو وەرنیشتی وەرچەم گێرۆنە'

واتیشش: "ئیدارەو وێڕاوەبەری جە لێوە وەراوەرو هەڕەشەکێ سەرو هەرێمەکەی جەنگ مکەرۆ، لێوەتەرۆ هەوڵمڏۆ سیستەمو کۆنفیدراڵی دیموکراتیکی کە ژەنی مییانش بانە وسۆنە جابەجێ کردەیۆ و پارێزنۆنەش. حکومەتی دیمەشقی تازەی مشۆم وەرنیشتوو مۆدێلەکەش وەرچەم گێرۆنە."

'وەرپرسیارێتی ئێمەن وەرنیشتی پارێزنمێ'

جە دماین و قسەکاشەنە جێنیڤیڤ گاریگۆس بێدەنگی گلێرگەی مییاننەتەوەیش جە وەراوەرو هرووژمەکا دۆڵەتو تورکی سەرو وەرنیشتی ڕەخنە کەرد و واوەیش کەردۆ ئا هێزێ کە وێشا بە وەرپرسیار وینانە پێسەو ناوچەکا تەرێ مشۆم جە وەراوەرو ئی پاشێلکارییا دۆڵەتو تورکیچ هەڵوێس هورگیرا و وەرنیشتی پارێزنانە و واتش: "سەردانەکەو وەرنیشتینە ئا چێوەی فرە کاریگەریش سەر نییانیرە ئەوەکۆشای و قوربانیدای بێ جە دژو داعشی. سەردانو کەمپو هۆڵیما کەرد؛ بە هەزاران بنەیانێ داعشی و داعشێش ئینێ چنە. پەی ئێمە گۆرەی مڏرامانی جە دژو داعشی نیشانە دا. پارێزنا و خاوەندارێتی کەردەی جە وەرنیستی ئەخلاقی و وەرپرسیارێتی گرڏیمانە