جۆشو خرۊشو ١ و ئایاری ۋەرنیشتەنە
بە درووشمۊو "بە بانگەوازو ئاشتی و گلېرگەی دیموکراتیکی، پێوەرە ١ و ئایاری پیرۆز مکەرمۍ" جە دەگاو سویدیکێ و دێرکی و دەگاو مزگەفتێی تربەسپی، ١ و ئایاری، ڕۊو جەهانی کرێکارا پیرۆز کریا.
سەر سەعبو ئارۆی جە دێرک و کۆچەرات و گەرکی لەگی و چلاغا و تەل کۆچەر سەدان کەسێ ڕووەشا کەردە سویدکێ، جە قامیشلۆ و تربەسپی و تەل حەمیس و عاموداشەنە گەل ڕووەشکەردە مزگەفتێ.
کورد و عەرەب و سریانی و ئێزدی و پێکئامایەکێ تەرێ بە جلوبەرگو هەرێمی و پۆستەرو ڕابەر ئاپۆی بەشداریشا کەرد.
چالاکییەکێ بە دەقێوە ڕێزگێرتەی دەسش پنەکەرد. کۆمیتەو ئامادەکاری پەیامێوەش دا و ئەرەیاوناش بە ئەوەکۆشای هامبەشو گەلا و کرێکارا گلێرگەو دیموکراتیکی دلێ ئاشتینە مێ دی.
زەماوەنەکێ دەگاو سویدکێ بە بەشداری چنین گرووپێ هونەریێ و هونەرمەندێ بەردەوام بۆنە.
جە زەماوەنەکێ بەنداو مزگەفتێش چنین گرووپێ هونەریێ و هونەرمەندێ بەشدارێ بانە.
حەسەکەنە سەعات ١٨:٠٠ زەماوەنە و ١ و ئایاری جە پارکو ٤ و نیسانینە دەس پنە مکەرۆ. ئەرەنیشتێ حەسەکەی و دەرباسیەی و تەل تەمر و تەل بەراک و هۆل و شەدادیە، بەشدارێ بانە.
