جوانا گەڕەکو قدوربەگی شارو قامیشلۆینە، جە دژو هرووژمەکا دۆڵەتو تورکی ئەرەگیری و چەتەکاش پەی سەرو هەرێمەکا سەرنیشتوو وەرکەوتوو سوریای و پەی پەشتیوانی جە هێزەکا قەسەدەی و یەپەژەی چێرو چەترەو هێزەکا پارێزناو کۆمەڵایەتی (هەپەجە)ی جە ڕاو ئەرەیاونێوەنە ئەرەمەزنارەو گروپێوە تەریشا ئەرەیاونا.

ئەرەیاوناکەو میانکەو جوانا کۆڵانەو قدوربەگی جەلایەن ئەندامو جمیەرەو جوانا شۆڕشگێڵی سوریا ئەحمەد غازییێوە ونریاوە. ئەحمەد غازی ئاماژەش بە هرووژمەکا دۆڵەتو تورکی ئەرەگیری و چەتەکاش کەرد و ئانەش وست ڕووە کە ئەرەگیرێ گەرەکشانە ئی وڵاتە کە بە گیانبازی هەزارا گەشمەرڏا ئەرەمەزیان ئەرەگیرش کەرا و پێکئاماو هەرێمەکەی جینۆساید بکەرا.

غازی باسش چانەیە کەرد جە وەراوەرو هرووژمەکا دۆڵەتو تورکی ئەرەگیری و چەتەکاش پەی پەشتیوانی جە مڏرامانو قەسەدە و یەپەژەی، ئەرەمەرزنارەو گروپی وێپارێزنای ئەرەیاونا.

کاتو ئەرەیاوناو گروپەی ئاڵاکا قەسەدە، یەپەگە و یەپەژەی بەرزکریێوە و دروشمەکا بژیو مڏرامانو قەسەدەی، یەپەگە و یەپەژەی" وچیا.

شایەنو باسین کە جوانا قامیشلۆی جە کۆڵانەکا عەنتەریەی، جودی، ئاشوری و قدوربەگ تائیسە بە گرڏی ٩ گروپێشا چێرو چەترەو هەپەجەینە ئەرەمەرزنانەرە.