هەپەگە یاڎو دووۍ گەشمەرڎاش بەرزڕاگېرت
هەپەگە ئشناسنامەو ٢ گەریلایا گەشمەرڎەیش ئاشکرا کەرڎ و ئەرەیاۋناش، "بە سەرمەشقایەتی گەشمەرڎاما، ڕاپیمایما بەرەو رابەرایەتی ئازادی و کوردەسانی ئازادی بە دڵنیاییوە مېیاونمۍ بە سەرکۊتەی".
بە دیمەن
ئەرەیاۋناو مېیانو ئەرەیاونای و چاپەمەنی هەپەگەی پی جۆرەنە:
"جە ساڵۊو ٢٠٢٤ینە جە فرەو ناوچا کوردەسانی و بەتایبەتی جە هەرێمەکاو پارێزنای مەدیاینە جە دژو دۊڵەتو تورکی ئەرەگیری چالاکیۍ کاریگەرۍ و هەڵمەتۊو شۆڕشگێڵنی سەرکەوتانۍ ئەنجام دریۍ. ئا چالاکیۍ کە گەریلاکۍ ئازادیی کوردەسانی بە تاکتیکی دۆڵەمەڼ و رێبازی ئاردەینە کەردێشا، پلانەکۍ ئەرەگیرو دۆڵەتو تورکیایش سەرەو چێر کەردۍ و گورزەی قورسەشا ۋنەو دژمنی شانا. سەرەڕاو تەکنەلۆجیاو دژمنی و هەلومەرجی دژوارو سروشتیچ، گەریلاکاو ئازادیی کە جە ئیرادەبیەی ئاپۆیینە یاوۍ بە بەرزتەرین ئاست بە چالاکییەکاشا جارێوەتەر هێزی قارەمانانەو پەکەکەیشا بە دۆس و دژمنی نیشانە دا.
هەمڕاکێما جیگەر و روگەش جە هەرێمەکاو پارێزنای مەدیاینە کە جە دژو دۊڵەتو تورکی ئەرەگیری داستانێوە تاریخیش چنە تۆمار مکریۆ، بە رۆحی گیانبازانەو ئاپۆیی، بە هەڵوێسۍ بە ئیرادە و بڕیارێوە جە نەمەڕیای و جە بن نامای، بیۍ بە تازەتەرین قارەمانۍ ی داستانە ۋێڕاگریە. هەمڕاکێما جیگەر و روگەش قینەو ۋێشا ۋەرا ۋەر بە دژمنی و توڕەیی حەقکەردەیۊیشا رۆ دماو رۆی گەورەتەر کەرد، فاڕاشا پەی پاڵنەرۍ ئەوەکۊشایۍ گەورەتەری و فیداکارانەتەری و بە بەشداربیەی جە ۋۍ ویەردانەیشا بیۍ بە جەنگاوەرۍ نمونەیی ئاپۆیی. هەمڕاکێما بە پراتیکی سەرکۊتانەیشا سەلەمناشا کە جەنگاوەراو ئاپۆیی جە گرڎ هەلومەرجێوەنە پەی خوڵقنای ئایندەو ئازادی گەلەکەیما زەحمەتشا کێشا، هەوڵ مڎا و بە میراتێوە دۆڵەمەڼو ئەوەکۊشای کە شۊنەو ۋێشارە جیاشا ئاستەن، لوۍ کارەوانو نەمراوە. پېسە هەمڕایاشا قەول مڎەیمۍ بە هەمڕایاما جیگەری و روگەشی مەرامەکەیشا کە بریتی بۍ جە ئەرەمەرزنای کوردەسانی ئازادی بە دڵنیاییوە بیاونمۍ ئەنجام.
سەرو ئا بنەمایۍ سەرەوەشی جە بنەیانەی قارەمانو هەمڕایاما جیگەری و روگەشی و گەلی وڵاتپارێزو کوردەسانی مکەرمۍ و بە سەرمەشقی گەشمەرڎاما ڕاپیمایما پەی رابەرایەتی ئازادی و کوردەسانی ئازادی بە دڵنیاییوە مېیاونمۍ بە سەرکۊتەی.
زانیارییەکۍ سەرو ئشناسنامەو هەمڕا گەشمەرڎەکاما پی جۆرەنە:
ناسنامۍ / جیگەر چارچەلا
نامۍ و دمانامۍ / تۆڵڤان مەتین
شۊنەماو جە ئەڎابیەی / گەڤەر
نامۍ ئەڎۍ و نامۍ تاتەی / ئەسمیهان- ئەنوەر
شۊنەماو کاتوو گەشمەرڎەبیەی / ٢٠٢٤/ هەرێمەکاو پارێزنای مەدیای
**
ناسنامۍ / روگەش زنار
نامۍ و دمانامۍ / سەعدون توتماز
شۊنەماو جە ئەڎابیەی / ئامەد
نامۍ ئەڎۍ و نامۍ تاتەی / فاتیمە- حەبیب
شۊنەماو کاتوو گەشمەرڎەبیەی / ٢٥و تشرینو دووەمو ٢٠٢٤/ زاپ
