کۆنگرەو جڤاکە دیموکراتیکەکاو کوردستانی ئەورووپانە (کەجەدەکە-ئە) و تەڤگەروو ژەناو کوردوو ئەورووپای (تەژەکە-ئە) پێوەس بە ڕاپیماکەو کۆڵنی ئەرەیاوناێوەشا وەڵا کەردۆ و ماچا: "ئا ڕاپیمایە سەدان هەزار ژەنێ و زارۆڵێ و گەنجێ دەیان وەڵاتاو ئەورووپایۆ دلێشنە بەشدارێ بێنێ، بی بە گەواهیدەروو خاوەندارێتیێوە شکۆمەندی".

ئەرەیاونایەکەنە ئامان بە پاگێرتەیرەێوە هامشێوەو قۆناغوو ساڵەو ١٩٩٩ پەی خاوەندارێتی چەنی ڕابەروو گەلوو کوردی عەبدوڵا ئۆجالانی کریان و هەزاران کەسێ وەڵاتە جیاجیاکاوە ڕووەشا کەردێنە کۆڵن.

"بەرکەوت ڕابەر ئاپۆ، ڕابەرێوە میاننەتەوەیین"

حەر ئەرەیاونایەکەینە ماچا: "ئەنتەرناسیۆنالیستێ و دۆساو کوردی وەڵاتە جیاجیاکانە جە ١٠ تشرینوو یوەموو  ٢٠٢٣  هەڵمەتەو "ئازادیی پەی عەبدوڵا ئۆجالانی، چارەسەری سیاسیی پەی پەرسەو کورد"یشا دەس پەنە کەرد و  کۆڵننە خاوەنداریشا جە ڕابەر ئاپۆی کەرد، ئەوەخوایشا کەردۆ کە ڕابەرێوە میاننەتەوەیین".

"تارێخ نویسیاوە"

درێژەو ئەرەیاونایەکەینە ئامان: "گەلوو کوردی و دۆسەکێشا ئەوەخوایشا کەردۆ گۆشەگیری و گێرتەی ٢٥ ساڵی قبووڵ مەکەرا، پا گێرارە سەروو مردنای ئا ڕێبازەو سەدەکاو دلێڕاسەی، کە جە کەسێتیی ڕابەر ئاپۆینە گەلوو کوردی گۆشەگیر کەرۆ، جەخت کەراوە کە ساڵەو ٢٠٢٤ کەرا بە ساڵەو ئازادیی جەستەیی ڕابەر ئاپۆی.

سەدان هەزار کوردستانیێ و دۆسێشا ڕاپیمای "ئازادیینە پەی ئۆجالانی" کۆڵننە ئیرادە و دڵسۆزییشا پەی ڕابەرێتی نیشانە دا و دیاریشا کەرد، کە ناموونیشانوو چارەسەری ڕابەر ئاپۆن.

پێویسا دەوڵەتوو تورکی و هێز و ڕێکوزیا میاننەتەوەییەکێ پەیاموو گەلوو کوردی خاس بژنەوا.  

پێسە کەجەدەکە-ئە و تەژەکە-ئەی سپاسوو ئا سەدان هەزار کەسا کەرمێ، کە بەشدارێ بیێ ڕاپیمای گەورەو ١٧ شوباتوو کۆڵنینە، بەتایبەتی ژەنێ و گەنجێ و ئەنتەرناسیۆنالیستێ و دۆسێ و شۆڕشگێڵنێ و دیموکراتێ و ڕۆشنویرێ و حەرکەسێوە کە پەی ئینسانیەتی کۆشیۆ.

بێگومان پێوە سەرگنمێ و گۆشەگیریی ماڕمێ".