شاندو ئیمرالی پارتو یەکسانی و دیموکراسی گەلا (دەم پارتی) دماو گلېرۊبیەی چنی ڕابەر ئاپۆی، ئارۆ سەعات ١٥:٠٠ بە کاتو ئۆروپای و سەعات ١٧:٠٠ بە کاتو دلېینەی ئەستەنبوڵنە بەیاننامێوە وەڵا مکەرۆوە.

پەی ئەرەیاۋنای ئەرەیاوناکەی، شاشۍ گۊرۍ LED جە ئامەد، وان، و قامیشلۆنە منریۆرە و پەیامەکە ڕاسەوخۆ پەخش مکریۆ. جە ئۊروپایچەنە شاشێوە گۊرۍ جە مېیانو گلېرگەو دیموکراتیکیەکا کوردینە منریۆرە.

کۆنگرەو گلېرگەو دیموکراتیکی کوردی- ئۆروپا (کەجەدەکە-ئەوروپا)ی سەبارەت پی پەیامە تاریخیە پەیامێوە نویسیاش وەڵاکەرڎۆ.

چی بەیاننامەنە ئامان:

"ئێمە بە قۆناغێوە تاریخی هەستیارەرە جە ئەوەکۆشای مرۆڤایەتیما پەی ئازادی ویەرنمێنە . سەرەراو هەلومەرجی گۆشەگیریی سەخت، ڕابەر ئاپۆ بە ئەرەپڕێوە شۆڕشگێڵی گۆرە پەی ئاشتی دژو جەنگی و دیموکراسی دژو دیکتاتۆریەتی پەی ئایندەو گەلا کوردەسانی، تورکیای و وەرکەوتوو دلێڕاسەی دەسوەڵی وستەی پرۆسێوە تاریخی مکەرۆ. گەل بە وەشیێ گۆرە چەمەڕاو ئا پەیامە تاریخییە مکەرۆ پەی ویەرناو ئاستەنگەکا وەردەمو ئازادی و ئاشتی کە بیێنێ مەڵامەتو جەنگی.

جە پرۆسێوە پاسە گرنگەنە کە بە قۆناغێوە تاریخیرە ویەرمێنە، پەنەوازا گرڏو گەلەکەیما بە وریاییۆ سەرەنج و پەشتگیری لە قسەکا ئا شاندەیە بکەرۆ کە ملۆنە ئیمرالی و  سەعات ١٥:٠٠ بە کاتو ئەوروپای وەڵا کریۆوە. گرڏو گەلەکەمان، بە تایبەت ژەنێ سەرمەشقێ ئەوەکۆشایما، پەنەوازا بە تەماشەکەردەو پەیامە تاریخییەکەی بە شێوەو جەمێ جە مییانە کۆمەڵایەتییەکانە گلێرێ بیمێ و مانا با پەیامە تاریخییە دەیمێ.

هورچەرخنایێ گرنگ سەرو ڕاو ئازادی مێ ئاراوە

پەنەوازا ئا پەیامەی کە وەڵا بۆوە پێسەو سەرەتێوە جددی بۆ پەی بەدیئاردەو ئازادی جەسەیی ڕابەرەیەتیما، کە جە ئەنجامو ئەوەکۆشایێ گۆرەو ٢٦ ساڵەی دژ بە سیستەمو گۆشەگیری و ئەشکەنجەی سەپیان، قبوڵ و پەشتیوانیش بکەرمێ.

ئێمە ئینایمێ جا باوەڕەینە پەیامەکەو ڕابەر ئاپۆی هرچەرخنایێ گرنگ سەرو ڕاو ئازادیی ژەنا، گەلی و ستەم ونە کریا دەس پنە مکەرۆ. پی باوەڕ و ئیرادۆ ئارۆ مشۆم گرڏ کەسێ سەرنجەکاش سەرو پەیامەکەی چڕ بکەرۆوە.

هەرپاسە گەلەکەمان کە جە ئەوروپا، ئوسترالیا و کەنەدا، پەنەوازا حەر یاگێنە کە هەنێ، جە گرڏ مییانە کۆمەڵایەتییەکانە، بە جەمە و بە وەشی و شادی جە سەعات ١٥:٠٠ بە کاتو ئەوروپای، گلێرێ باوە پەی تەماشەکەردەو پەیامە تاریخییەکەو ڕابەر ئاپۆی  و چی بارۆ داوا کریۆنە.

پۆکەی داوا جە گرڏ گلێرگەو و مییانکپگە کۆمەڵایەتیەکا مکەرمێ کە بە نییارە و شاشێ گۆرێ جە مێڏانەکانە، جوابو پەیامە تاریخییەکەی داوە."