کۆنفرانسو یەکڕیزی و یەکهەڵوێسی کوردی جە وەرنیشتوو کوردەسانینە بە بەشداری زیاتەر جە ٤٠٠ نوێنەرا جە پارکو ئازادی شارو قامیشلۆینە دەسش پنەکەرد. جە وەرنیشتوو سەرنیشتوو پانیشتوو و ناوچەکا تەرو سوریاینە نوێنەرو پارت و هێزە کوردی و کوردەسانییەکا بەشدارێنه.

دماو دەقێوە ڕێزگێرتەی جە گەشمەرڏا، فەرماندەو گرڏی قەسەدەی، مەزڵوم عەبدی قسێ مکەرۆ و نامەکا پەی کۆنفرانسەکەی وانۆوە.

وەرپرسو دۆسیەو سوریای دیوانو سەرۆکایەتی هەرێمو کوردەسانی، د. حەمید دەربەندی، واتەواچو هامپەیمانی مییاننەتەوەیی سکۆت بۆڵس، واتەواچێ یەنەکەی و دەم پارتی و کەنەکەی قسێشا بۆنە.

دماتەر دەقو ڕێککەوتەو بەینو هێز و پارتە کوردییەکا سەرنیشتوو وەرکەتوو سوریای ونریۆوە و تاوتوێ کریۆنە. دماو گفتوگۆکا، دماین فۆرمو ڕێککەوتنەکا پەسەن کریۆنە. کۆنفرانسەکە بە ئەنجام نامێوە دمایش مێ.

دەیان دەزگاو ئەرەیاونای کوردی و بیانی ڕووماڵش مکەرا.