دەیان هەزار کەسێ پەی شەرمەزارکەردەی پیلانگێڵنیی میاننەتەوەیی دژوو ڕابەروو گەلوو کوردی عەبدوڵا ئۊجالانی بە مەبەسوو وستەیڕووەو داواکاریی ئازاڎیی جەستەیی ئۊجالانی، شاروو کۊڵنینە دەسشا کەرد بە ڕاپیمای.
بە داواکاریی 'ئازاڎیی پەی ڕابەروو گەلوو کوردی عەبدوڵا ئۊجالانی و چارەسەری دیموکراتیک پەی پەرسەو کورد'ی، شاروو کۊڵنوو ئەڵمانیاینە ڕاپیماێوە گەورە ڕێک وزیان.
جە چندین وەڵاتاوە بە دەیان هەزار کەسێ سەرسەعبۊ وێشا یاونان کۊڵن و کوێ بیێنێوە.
جە ٢٥ەمین ساڵیادوو پیلانگێڵنیی میاننەتەوەیی ١٥ شوباتوو ١٩٩٩ کە دژوو ڕابەروو گەلوو کوردی عەبدوڵا ئۊجالان کریا، ڕاپیمایەکە دی ئێچ بی هاوسی کۊڵنینە دەسش پەنە کریا.
کوردستانیێ و دۊسەکێشا دماتەر بە پۊستەر و ڕسمەکاو ڕابەروو گەلوو کوردی عەبدوڵا ئۊجالانیوە مەیدانوو زیگبوگەر شتراس سوتزێر وێرتینە کەناروو بەحروو ڕاینینە، کوێ بیێوە و ڕاشا پیما.
ڕاپیمایەکەنە دەیان هەزار کەسێ ڕسمەکاو ڕابەروو گەلوو کوردی عەبدوڵا ئۊجالانیشا بەرزێ کەردێوە.
جەماوەرەکە سەروو پردەو سێڤرێنسبروگیوە دەسشا بە ڕاپیمای کەرد، دماو جیائاستەی بەحروو ڕاینی چند لافیتێوەشا بە زوانەکاو کوردی، ئینگلیزی و ئەڵمانی بەرزێ کەردیوە، کە پۊشاوە داواو ئازاڎیی پەی ئۊجالانی کریابێ. بەشداراو ڕاپیماکەی بێوچان دروشمەکاو " هەزار سڵامێ جە لە ئیمراڵی" و "بژیوۊ سەرۊک ئاپۊ"ی واچێنێوە.
