گەڕی دوۋەمو هۊرچنیەی سەرۊکایەتیی تورکیای، کە بە پاشێلکەرڎەی پیمەرەکا هۊرچنیەیرە ۋیەرڎ، بەپاو ئامارەکا دەسەی هۊرچنیەی ئەردۆغان بیەنۊ بە سەرۊک و تورکیای، بەڵام کورڎ جارێوەتەر بە ئەدرۆغانیش ۋاتۊ، نا.

کورڎ جارێوەتەر بە ئەردۆغانیش ۋات، 'نا'

تەیب ئەردۆغان سەرۊک کۊمارو ئاکەپەی، کە کێشەو کورڎیش بە سیاسەتی نکوڵیکەرڎەی و پاگیری جە عەقڵیەتو جەنگەرانی قوڵتەر کەرڎەنۊ، جە گەڕو دوۋەمو هۊرچنیەی سەرۊکایەتینە هېزی ٢٨و ئایاری جارێوەتەر کورڎسانەنە دەنگش نارڎ و جە وەران ۋەرشەنە کورڎ دەنگشا بە کلیچدار ئۊغڵوی کاندیدو هامپەیمانیی میللەتی دا.

پاگیری ئەردۆغانی جە جەنگەنە بی بە مەڵامەتو ئانەی کورڎ دەنگش پنە نەڎۊ

جە شرنەخ و جولەمێرگ، کە هامسنورو مەنتیقەکا زاپی و مەتینا و ئاڤاشین-یا جە هەرێمو فیدراڵی کورڎسانی، بەمەڵامەتو عەقڵییەتېوە جەنگەرانی، کە جە ساڵەو ٢٠١٥یوە دەسشپنەکەرڎەن، ئەردۆغان دەنگش نارڎ. چی دەنگداینە دەنگەکۍ ئەردۆغانی حیچ زیاڎشا نەکەرڎ و جە وەران ۋەرەنە کلیچدار ئۆغڵو جە شرنەخ سەڎەنە ٧٦.٣٠ و جە جۊلەمێرگ سەڎەنە ٧٢ۍ دەنگەکاش بەدەسئارڎۍ.

کورڎسان بە فاریایش ۋات، 'بەڵۍ'

ئامەڎ، کە بیەن بە میانگەو سیاسەتەکا فشاری و سەرکوتکەرڎەی ئاکەپەی دژ بە کورڎی، ئەردۆغان سەڎەنە ٢٣.٣٧ و دەنگەکا و کلیچدار ئۆغڵویچ سەڎەنە ٧١.٦ و دەنگەکا ئامەڎیش بە دەسئارڎېنۍ.

ئەردۆغان جە مێردین-یچ سەڎەنە ٣٤ و دەنگەکاش بە دەسئارڎەن، کە هەمان دەنگەکۍ وەڵتەریشەنۍ جە هۊرچنیەو ٢٠١٨ینە ، دەنگو ئەردۆغانی جە ئێلح سەڎەنە ٣٢ ۍ بۍ، بەڵام جە وەران ۋەرەنە دەنگو کلیچدار ئۆغڵوی جە مێردین سەڎەنە ٦٥.٢٢ و جە ئێلح سەڎەنە ٦٧.٩٠ بۍ.

جە دێرسیم، کە ئاکەپە دژوارتەرین سیاسەتی جەنگی تایبەتیش چنە ڕاوەبەرکەرۊ، ئەردۆغان جە هۊرچنیەی ٢٠١٨ینە سەڎەنە ١٨و دەنگەکاش بە دەسئارڎەبۍ و جە هۊرچنیەو ٢٨و ئایارینە سەڎەنە ١٧.١٩و دەنگەکا دێرسیمیش بە دەسئارڎەن، بەڵام کلیچدار ئۆغڵو سەڎەنە ٨٢.٨١و دەنگەکا دێرسیمیش بەدەسئارڎەن.

حەرپاسە ئەردۆغان چی شارانە دەنگەکېش زیاڎشا نەکەرڎەن و کلیچدار ئۆغڵوی منافسش جە ئەردەخان سەڎەنە ٥٧.٦٨ ، جە قەرس سەڎەنە ٥٦.٤٠ ، ئیدر سەڎەنە ٦٦.٧٨ ، ئاگری سەڎەنە ٦٥.٧٨، موش سەڎەنە ٥٨.٣٣ ، وان سەڎەنە ٦١.٥٠، بەدلیس سەڎەنە ٥٠.٢١ و سێرت سەڎەنە ٥٥.٤٤ دەنگەکېش بە دەسئارڎېنۍ و پانەیچ فرەی دەنگدەرا سەرنیشتوو کورڎسانی بە ئەردۆغانیشا ۋات نا و بە فاڕیایشا ۋات، بەڵۍ.

هـ . ش