ڕێکوزیاو چنەوییەردەی مېیاندەوڵەتی پەی پەخشان عەزیزیۍ بانگەوازش کەرڎ
ڕێکوزیاو چنەوییەردەی مېیاندەوڵەتی داواش جە ئێرانی کەرڎە سزاو جە قەنارەدای دژو چالاکەو مافەکا ژەنا پەخشان عەزیزیۍ هۆرشێونۆوە و بێ مەرج ئازاڎەش بکەرۆ.
پەخشان عەزیزییە جە ٤ /٨/ ٢٠٢٣ جە لایەنو هێزە ئەمنییەکا ئێرانیوە باڵبەسە کریا. جە ٢٣/٧/٢٠٢٤ینە دەسەڵاتو ئێرانی سزاو جە قەنارەدایش سەرەرە سەپنا.
ڕێکوزیاو چنەوییەردەی مېیاندۊڵەتی (ئەمنێستی) بە ئەرەیاۋنێوە تەئکیدش کەرڎۆ کە، چڼین ساڵێن گەلوو کوردی جە ئێرانەنە ڕووبەڕوو قڕکەردەی و چەوەسنایۆ بۆوە.
جە ئەرەیاۋناکەینە داوا جە دادگاو ئێرانی کریان سزاو جە قەنارەدای پەخشان عەزیزیۍ هۆرشێونۆوە و بێ مەرج ئازاڎەش بکەرۆ.
جە ئەرەیاۋناکەینە ئاماژە پانەی کریان، پەخشان عەزیزییە تەنیا ۋەرو چالاکییە مرۆیی و یاسایی و ئاشتیوازییەکاش دەسبەسەرەکریێنە. هەرپاسە جە ئەرەیاۋناکەینە سزاو جە قەنارەداکەیش پېسە "سزێوە نامرۆڤانە"ی بە نامۍ کریان.
