کوردیناسیۆنو کەژەکەی بەمەڵامەتو گیان جە دەسدا و سری سورەیا ئوندەری پەیامێوەش وەڵاکەردۆ و ئەرەیاوناش: "بەمەڵامەتو عەمرە و خوای دۆسی قارەمانیما، هەمڕا و قاسیدو ئاشتی گەلوو کوردی، شۆنکەوتەو نەریتو شۆڕشگێڵی گەلوو تورکمانی و بابا ئیسحاقی، فرە خەمبارێنمێ. جە ڕابەر ئاپۆی و، ئەڏیای قارەمانێش و، کناچەکێش و گرڏ و گەلەکەیما سەروەشی مکەرمێنە."

ئەرەیاوناکەو کەژەکەی پی جۆرەنە:

"هەمڕاو سەرەتایی ڕابەر ئاپۆی حەقی قەرار و کەمال پیر بێنێ کە دووێ نەوێ فرە قارەمان و گەلوو تورکی بێنێ. سری سورەیا ئۆندەر جە دژو ئا کەسا کە گرەکشا بێ بە ژەحرو نەتەوەپەرەسی گەلا بکەرا بە دووژمنو یۆتری و ڕژێمو قڕکەردەی بە هەمیشەیی بکەرا، نمونەی وەرچەم  جە پەیوەندی واڵەو-برایەتی و یەکسانی و ئازادیش نیشانە دا.

میراتو ئاشتی کە زانا و کەسایەتی ئاشتیی، ئازادی و یەکسانی سری سورەیا ئۆندەر خوڵقناش، چی خاکەنە جارێوە تەر ئینسانێوە گۆرەش ئاردەن ئاراوە. باری فرە قورسو گەلوو کوردی و تورکی وستش سەرو شانا وێش و پەی ئاشتیی فیداکاریش بە ژیوای وێش کەرد، پی جۆرە ئەوەکۆشایش پەی ئاشتیی وست وەڵێ وێش. ئاڏ بە فیداکاری و ڕەنجدای ئاشتیی نەمر، گەشمەرڏە بی. حەر پۆکەی هەمڕاما سری سورەیا ئوندەر وەرپرسیارەتیێ گۆرەش پەی گرڏیما جیا ئاستەن. پارێزنا و درێژەدای بە ئینسانییتەکەیش پەی ئێمە قەرزێوەن. گەل، سیاسەتمەدار و ڕۆشنویرا تورکیای جە کەسێتی سری سورەیا ئوندەرینە واڵەو-برایەتی، دۆستایەتی و زەریفی ئاشتیشا وینا. مشۆم خاوەندارێتی جە ئەوەکۆشایش کریۆنە، گۆرە کەردە و ئاردەو ئاشتی پەی ئی خاکەیە مشۆم بۆنە وەرپرسیارێتیێ تاریخی.

ئێمە سری سورەیا ئۆندەری بە قەولو بەدیئاردە واڵەو-برایەتی گەلا، بەدیئاردەو پەیوەندی ئازادی و یەکسانی گەلا وسمێ ڕا. پێسەو کەسایەتیێ نەمری هەمڕایەتی و دۆستایەتیی مانادار ج ە ئەوەکۆشایمانە هەمیشە یاڏش مکەرمێوە."