کۆردیناسیۆنو کەژەکەی ئەرەیاۋناش، هرووژمەکې ئی دماییەو سەرو دروزەکا درێژکراوې کۆمکوژییەکا سەرو عەلەوییەکانې، کەژەکە داواو ئەوەکۊشای هامبەشیش کەرڎ جە گلېرگەی مېیاننەتەوەیی و گەلاو هەرێمەکەی و ژەنا، دژ بە هرووژمەکا هەتەشەی.
جەمەو ژەنا کورڎەسانی (کەژەکە) دژو هرووژمەکا هەتەشەی کە چی دماییەنە جە سووریانە پەرەش ئەسان، ئەرەیاۋنێوەش پەی ڕای گرڎیی وەڵا کەرڎۆ و چنەشەنە دەسنیشانش کەرڎ هەتەشە پېسە ڤێرژنێوە تازەو داعشی، پەشت قایما بە هێزە هەژموونییەکا، سەرو بنەماو مەزهەبی، ئەتنیکی و ڕەگەزپەرسی پەرە بە جەنگی مڎۆ جە هەرێمەکەنە.
کەژەکە دژو ئی هرووژما هەتەشەی کە دەسکەوتەکا گەلا و ژەنا بە ئامانج گێرۆنە، داواو هەڵوێس هۊرگێرتەیش جە گلېرگەی مېیاننەتەوەیی و گەلا کەرڎ.
ئەرەیاۋناکەو کەژەکەی پی جۆرەنە:
حەقەتینو هەتەشەی کە بەردەوامی هرووژمەکا داعشین سەرو شۆڕشو کورڎەسانی و ۋەرکۊتوو مېیامینیرە سەپیان، ئارۆ جە سووریانە پەرە بە پرۆسێوە تازەو ۋنمتەی مڎۆ. داعش جە دژو توڕەی و سەرهۊردای گەلا وەشکریا کە دژو دۆڵەت نەتەوەیی ستاتۆگەری ئەوەکۊشای کەرېنې. ئی بنیاڎنیایە جە ئیساتێچەنە بە وزەو هێزو سەرمایەداریی جەهانی، پېسە گورزێوە جە دژو گەلا درێژەش هەن.
ئا هێزې کە بە کۆنسێپتو هێزە هەژموونییەکاوە جماوە، گەرەکشانە سووریای بکەرا بە مېڎانوو جەنگێوە نەگریسی. جە سووریانە ڕۆ دماو ڕۊی هەواڵ و زانیارییەکې سەرو کۆمکوژی زیاتەرې با. پونەوازا عال بزانیۆ ، هەتەشە تەنیا پەرڎە پۆشکەرڎەیێوەن، جە ئەساسەنە ئانەی جە مېڎانەکەنە جەنگ مکەرا هیزە هەژموونگەراکێنې.
تەڤگەرو ئازادی کوردی وەش بیەو دینامیکی سەروەری جە مېڎانەنە بەهێز مکەرۆ، گەلاو سووریای پېسە هیواو ڕزگاری تەماشەو کوردا مکەرا، ئەوەگێڵای تازەش پەی چارەسەری ئارڎ ڕۆژەڤۆ. کورد پەی ئەوەگێڵای چارەسەری بیەن بە ئەکتەرێوە سەرەکی، ئینیچ پاسشە کەرڎەن ئا هێزې کە چی ئاژەو پشێوییەینە ۋێشا بنیاڎ بنیاوە، ئاڼنەی تەر پەرە بە جەنگی بڎا."
کەژەکە جە ئەرەیاۋناکەیشەنە ئاماژەش پانەی دان، هێزە هەژموونگەرەکې و بنیاڎنیای دەسەڵاتو مەرکەزی جە هەرێمەکەنە قەیرانەکێش قوڵتەرې کەردێنێوە و جگە چینەی حیچ دەورێوەتەر نمەگێڵنا و دەسنیشانش کەرڎ ئانەی پەنەوازا پەی گەلا چارەسەری دیموکراتیکییا، واتش: "شۆڕشو گەلا ۋەرنیشتی و ژەنا کە ١٣ ساڵێش ۋېیەرنا، بە ئیساتێچۆ سەرچەمەو هیوای و جۆشوخۆرشیا. شۆڕشو ۋەرنیشتی گرڎو ئا مەڵامەتا کە مەڵامەتې جەنگ و کۆمکوژیینې دلې ۋێشەنە سەرکوت کەرڎ و چارەسەرێش کەردې و بی بە نموونێوە کۆنکرێتی پەی ژیۋایې هامبەشی.
ئارۊنە هێزە جیهادییەکې گەرەکشانە پەرە بە وتارەو مەزهەبی بڎا دلې سوورییەکانە، ئینەیچ زەمینەسازی مکەرۆ پەی کۆمکوژی. ئی ئازەر دلێنەبەرو، وتار و هەوڵدایە نەفرەتیې، ڕەنگە دۊڵەمەڼی کۆمەڵایەتی و چاندو سووریای جە بەین بەرۆ. هرووژمو سەرو دروزییەکا، درێژکراوەو کۆمکوژییەکا سەرو عەلەوییەکان. جەنگە ئەتنیکی و ئانییەکې تیمارو دەردەو دەسەڵاتی مکەرۆ، بەڵام ئانەی پەنەوازا پەی گەلا و ژەنا مافە بنەڕەتییە دەستوورییەکا سیستەمو دیموکراتیکییا."
کەژەکە ئەرەیاۋناش ئی بنیاڎنیایە چېرو 'فەرمانداری جۆلانی'نە ناڕەوان و ئی بانگەوازییەشە کەرڎ: "ئەشۊ گرڎو هێزە مېیاننەتەوەییەکې، ژەنا، دیموکراتیک و سۆسیالیستییەکې دژو ڕاوەبەری جۆلانیی جیهادیستی هەوڵوێس نیشانە بڎا. گەرەکشانە گەلو عەرەبیچ پەلکێشو ئی دامە ۋناویې بکەرا، پەنەوازا گەلو عەرەبی واچۆ ئیدی ئی گەمە ئیتر وەسێن.
پېسە کەژەکەی ماچمې تەنیا ڕاو سەرکۊتەی گەلا سووریای، چارەسەرو نەتەوەی دیموکراتیکییا. پەی دڵنیابیەی چانەی کە ئا هەرمانە نامرۆڤایەتییانې کە ۋەرا ۋەر بە ژەنا ئێزدی و عەلەوی ئەنجام مڎریا دلې گلېرگەو دروزینە واوەی نە باوە، پەنەوازا گرڎو بنیاڎنیاکا ژەنا پەرە بە ئەوەکۊشایې هامبەشی بڎا.
داوا جە گرڎو ژەنا کورد، عەرەب، چەرکەس، تورکمان، سوونی، عەلەوی، ئێزدی و دروزی مکەرمې بە ئەوەکۊشای هامبەش دژو جەنگی جماوە."
