هامسەرۆکۊو دەسەو هەرمانو کارو ڕەنجەدەرا کانتۆنو فراتی، فەلەکە یوسف-ە١٣ـەمین ساڵوەگەڕو شۆڕشو ١٩و تەممووزو ۋەرنیشتیش پیرۆز کەرڎ و واتش: "پېسە چنی ژەنی جە شۆڕشو ۋەرنیشتینە سەرمەشقایەتیشا کەرڎ، ئەشۆ پەی تەمامو جەهانیچ سەرمەشقې با."
هامسەرۆکۊو دەسەو هەرمانو کارو ڕەنجەدەرا کانتۆنو فراتی، فەلەکە یوسف-ە١٣ـەمین ساڵوەگەڕو شۆڕشو ۋەرنیشتیش جە گرڎو گەشمەرڎا و گەلو کوردی پیرۆز کەرڎ.
فەلەک یوسف-ە جە سەرەتاو قسەکاشەنە واتش: "ڕۊشنایی ١٩و تەممووزو ٢٠١٢ جە کۆبانێوە دەسشپنەکەرڎ. ڕاسەوخۆ هێڵۊو یەرەمیما هۊرچنیە و شۆڕشما دەس پنەکەرڎ. ئێمە بە هێزو ۋێماوە جە جەهانەنە مشناسییەیمې. بە دەسپنەکەردەو شۆڕشی، دەمودەس ڕژێمو بەعسی وڕایما جە کۆبانێنە دووروستۆ. وەختې باسو ئا ڕووەیە مکەرمې، بەڕاسی پېسە خیاڵێوە بې پەیما. شارێوە پېسە کۆبانێ چېرو دەسو ڕژێمو بەعسینە ڕزگار کریا."
' دژو دەسەڵاتداری شۆڕشما کەرڎ'
جە بەردەوامی قسەکاشەنە فەلەک یوسف-ە ئاماژەش پانەیە دا کە ١٩و تەمموزی پەی ژەنا ڕۆو ژیۋایۊین و واتش: "چی ڕووە مبارەکەنە، مۆڕاڵما هەمیشە بەرز بې. شۆڕشو ١٩و تەمموزی شۆڕشو ژەنان. دەسەڵات ماف، زوان، کلتوور و شناسنامەماش سەرکوت کەردێبێنې، بەڵام جە ١٩و تەمموزینە پېسە ژەنې گرڎو هێزیما جە شۆڕشو ١٩و تەمموزینە نیشانە دا و دژو دەسەڵاتی شۆڕشما کەرڎ."
'پېسە چنی ژەنی جە شۆڕشو ١٩و تەمموزینە سەرمەشقیشا کەرد، ئەشۆ دیسان سەرمەشقی جەهانیچ بکەرا'
فەلەک یوسف-ە واتش: "جە سەرنیشت و ۋەرکۊتوو سووریانە، دماو بەرکەردەی ڕژێمو بەعسی، گەل مافو ۋێش بەدەسئاورڎ و ئیتر گرڎ کەسې بە زوانو ۋێشا قسې مکەرا. ژەنی بە چڼین هرووژمې و کۆمکوژیرە ۋېیەردې، بەڵام مڎرامانما جە ۋەرا ۋەر بە ئەرەگیرینە هەمیشە بەردەوامبې. ڕۊو ئارۊینە سەرەراو ئانەی ڕژێمو بەعسی وڕان، بەڵام ئانەی یاگێش گرتەنۆ هەمان زیهنیەتو دەسەڵاتداریا. هەرپاسە هەمیشە دژو دەسەڵاتداری ئەوەکۊشمې. پېسە چنی ژەنی جە شۆڕشو ۋەرنیشتینە سەرمەشقایەتیشا کەرڎ، ئەشۆ پەی تەمامو جەهانیچ سەرمەشقې با."
فەلەک یوسف-ە جە دما دمایی قسەکاشەنە شۆڕشو ١٩و تەمموزیش جە ڕابەر ئاپۆی، گەریلاکاو قولەپۆپەو کەشەکا، گیانو گەشمەرڎا و گرڎو گەلا وڵاتپاریزنی و ژەنا پیرۆز کەرڎ.
