هەپەگە-نەڕەچە ڕایگەیاند گەریلا ئاسمین ئاردل دژوار بەهۆی ڕووداوێکەوە شەهید بووە و ڕایگەیاند: "بەڵێنمان دووپات دەکەینەوە، بەدڵنیاییەوە خەونی شەهیدانمان کە ئازادی ڕێبەر ئاپۆ و کوردستانێکی ئازادە بەدی بهێنین."
ڕاگەیەندراوەکەی ناوەندی زانیاری و چاپەمەنی هەپەگە (هەپەگە-نەڕەچە) بەم شێوەیە:
"ڕۆڵەی هێژای گەلی ئێمەی بۆتان و شەڕڤانی ئازای یەژا ستار، هەڤاڵ ئاسمین ئاردل دژوار، لە ١٨ی ئایاری ٢٠٢٥ لە هەرێمەکانی پاراستنی مەدیا بە هۆی ڕووداوێکەوە شەهید بوو.
هەڤاڵمان ئاسمین ئاردل دژوار لە تێکۆشانی ئازادیی بە پێشەنگایەتی پارتیمان پەکەکە-پاژک جێگەی خۆی گرتەوە و بەبێ دوودڵی بەرپرسیارێتی مێژوویی خۆی بە ئەنجام گەیاند، بە دڵسۆزییەکی قووڵ بۆ شەهیدان ژیانێکی پڕ ماناداری بەڕێوەبرد. ڕوانگەکانی ڕێبەر ئاپۆ سەبارەت بە ئازادی ژنانی کردە مانیفێستی ژیان و پێویستییەکانی ناسنامەی خۆی یەژا ستار لە هەموو بوارێکدا بە شکۆمەندییەوە جێبەجێ کرد. وەک شوێنکەوتووی براکەی خۆی، شەهید دژوار خاڤشتا - ئەحمەد نیلی، ناوی خۆی لە مێژووی تێکۆشانماندا تۆمار کرد. هەڤاڵمان ئاسمین ئاردل ژیانێکی کۆیلایەتی کەبەسەر ژناندا سەپێنرابوو قبوڵ نەکرد و بوو بە خوڵقێنەری ژیانێکی ئازاد، بە هەڵوێستە ڕوونەکەی لە ژیاندا بوو بە شەڕڤانێکی نمونەی پەکەکە - پاژک. هەڤاڵمان بۆ ساتێکیش لەسەر پێوەرەکانی ئازادی ژن و ژیانی ئاپۆیی پاشەکشەی نەکرد و درێژەی بە تێکۆشاندا. لە هەموو بوارەکاندا بارگرانی هەڤاڵانی لە ئەستۆی خۆی دەگرت. لە پێناو قوڵکردنەوەی حەقیقەتی ڕێبەر و شایستە بوون بۆ هەڤاڵانی شەهیدی، هەر ڕۆژ هەوڵی دەدا داخوازییەکانی تێکۆشانی پەرە پێبدات.
سەرەتا سەرەخۆشی خۆمان ئاراستەی بنەماڵەی هێژای هەڤاڵمان ئاسمین ئاردل دەکەین، هەروەها سەرەخۆشی خۆمان ئاراستەی هەموو گەلی وڵاتپارێزی کوردستان دەکەین و بەڵێنمان دووپات دەکەینەوە کە خەونی شەهیدانمان کە ئازادی ڕێبەر ئاپۆ و کوردستانێکی ئازادە بەدی بهێنین.
زانیاری سەبارەت بە ناسنامەی هەڤاڵمان ئاسمین ئاردل دژوار وەهایە:
ناسناو: ئاسمین ئاردل دژوار
ناو و ناسناو: سوڵتان نیلی
شوێنی لەدایک بوون: وان
ناوی دایک – باوک: حوسنا – گورگین
شوێن و کاتی شەهیدبوون: ١٨ی ئایاری ٢٠٢٥/ هەرێمەکانی پاراستنی مەدیا
