کەژەکە بۆنۆو کۆچو دمایی نوویسەرێ و هورگێڵنەو سەڤیم بەلیێ پەیامێوە سەرەوەشی وێش وەڵاکەردۆ و ئەرەیاوناش، "دەور و کەسایەتی شۆڕشگێڵنانەو ئاڏێ، کە هەمیشە پەی ئێمە نموونێ بیێنە، مەشکو و ئەوەکۆشایمانە بە زینەی ڕاگێرمێنە."
کوردیناسیۆنو کۆنفیدڕاڵیزمو ژەنا کوردەسانی(کەژەکە) بۆنۆو کۆچو دمای نوویسەرە و هورگێڵنە سەڤیم بەلیە پەیامێوە سەرەوەشیش وەڵاکەردۆ و ئەرەیاوناش:
"گەلوو تورکیای یۆ تەرەش جە چنارەکا جەدەسدا.
سەڤیم بەلیە دار چنارێوە ١٠٠ساڵە و ١٠٠ساڵێ مڏرامان و ڕا نیشاندەرێوە نمونەییەنە پەی ژیوای!
بە داخێوە فرە جە ٢٤و شوباتو ٢٠٢٥ هەواڵو کۆچو دمای کەسایەتی گۆرێ سۆسیالیستی، نوویسەرە و هورگێڵنە، سەڤیم بەلیە-ما پنە یاوا. پێسەو ژەنە کوردا بەڕێزدارییۆ یاڏو ئا کەسایەتییێ شۆڕشگێڵنییە گۆرێ و، سۆسیالیستەو،، دۆس و هەڤاڵاما بەرز ڕاگێرمێنە و سەروەشی وێما ئاراسەو بنەیانەکەیش و، گرڏو کەسوکاریش و، هەڤاڵێ کۆششکارێ و جمیەرەو سۆسیالیستو دیموکراتیکو تورکیای مکەرمێ.
ئا ژەنێ بە فیداکاری، ئیرادەو ئەوەکۆشای، عاشقو مرۆڤایەتی، ئازای، هیوا و مڏرامان ژیوایش بەسەر بەرد. سەڤیم بەلیە بە بەشدارییە گرنگەکاش جە گەشەپنەداو جمیەرەو چەپو تورکیاینە، بە کەسایەتی و خەباتو وێس میراتێوە گۆرەش جیائاست. بە نوویسینەکاش، هورگێڵنای پەڕ جە ئێشەکاش، بییە بە نمونە پەی نەوەکا ئایندەی.
کە ئێمە پێسەو ژەنێ بە نمونە هورش گێرمێنە، هەمیشە جە مەشکو، ئەوەکۆشای و دڵمانە مەنۆوە. هەرپاسە جە ئەوەکۆشایمانە کەسایەتی و میراتو شۆڕشگێڵنانەیش بە زینەی ڕاگێرمێنە.
ئەی چنارەو شۆڕشگێڵی، کە دڵت پەڕ بێ جە سۆسیالیزمی، تۆ جە گرڏ هەنگامێنە بە کەسایەتی ڕۆشنویری وێت ڕۆشنایت وەڵا کەردۆ. شان بە شان جە ئەوەکۆشای دیموکراتیکو، کرێکارینە مڏرامان کەرد، بییەی هەڤاڵێوە هێزە تێکۆشەرەکا دژو چەوەسنایۆ دنیاو سەرمایەداری و چەوەسنایۆ نەتەوەیی، حەجگیز جە کەسایەتی دژە ئیمپریالیستی و ئینترناسیۆنالیستی وێت پەشیمانە نەبینی.
جە چەمپنەکەوتێوەنە واتش: "گەرەکم بێ قەدرم بزانا. وەڵێ گرڏ چێوێ گەرەکم بێ پشکێوەم بۆنە. گەرەکم بێ سوودێوەم بۆنە. نەک پەی وێم، بەڵکووم پەی گرڏیما گەرەکم بێ سوودمەندە بوو." تۆ پێسە واتت و ئاواتت بێ، ژیوای. حەجگیز وازت جە وەرمەکات نارد پەی جەهانی و ژیوایێ جوانتەری. بە بییەو وێت، قسەکێت، قەڵەمەکەت هەرمانەت کەردە پەی ئانەی ئیسفادەت بۆنە. نە ژەنێ، نە کرێکار، نە گەلوو تورکی و نە ئێمەو ژەنە کوردا، قەد تۆ جە یاڏ مەکەرمێ و قەدرت مزانمێ و بەردەوامێ بیمێ جە یاڏەوەرییەکا تۆ.
چنی ڕێز و حورمەت و سپاسو بێ پایانی ئارام گێرە هەڤاڵ سەڤیم، وەرمە شۆڕشگێڵنییە سۆسیالیستیەکێت بە ئێمەت سپاردێنە..."
