گۆشەگیرکەردەی ڕابەرو گەلو کوردی عەبدوڵا ئۆجالانی جە ١٥و شوباتو ١٩٩٩یۆ بەردەواما، تەرسەو کاریگەرییەکا ئایدیا و ویرۆکەکا ڕابەرو گەلو کوردی عەبدوڵا ئۆجالانی، ماوەو ٤٢ مانگان بەتەمامی ئینا چێرو سیستەمو ئەشکەنجەی و گۆشەگیری ڕەهاینە و هیچ زانیاریێوە جە بارەشۆ نیا. جە بارەو کاریگەرییەکا سیستەمو گۆشەگیریی ئیمراڵییوە شالیاری وەڵینو دلێینەی و دادو ئایسلەندای ئۆگموندور جۆناسۆن کە بەشداربیەن جە کۆنفرانسو ئاشتی و دیموکراسی بەرلینی، پەی ئاژانسیما قسێش کەرڎۍ و ئاماژەش پانەی دا کە سیستەمو گۆشەگیری کاریگەریش سەرو ئاژەو ئاشتی گرڎو جەهانی و بەتایبەت سەرو ۋەرکۊتوو مېیامینی هەن.

جە سەرەتاو قسەکاشەنە ئۆگموندور جۆناسۆن ئانەش یاڎ وستۆ کە سیستەمو گۆشەگیری ئیمراڵی جە ساڵەو ١٩٩٩یۆ بەردەواما و پی جۆرە بەردەوام بی جە قسەکاش: "گۆشەگیری ئیمراڵی ئانە چارەکە سەڎێوەن بەردەواما، ئینەیچ بە هەرجۆرۍ هۊرسەنگنایش پەی بکەری ئاژێوە جدییا. کاتێ جە ڕوو شەخسییوە تەماشەو مژارەکەی بکەرمۍ بەڕاسی جۆرێوەن جە ئەشکەنجەی. ئینەیچ پێچەوانەو پەیماننامەو مافەکا مرۆڤین، هەر پۊکەی ئاژێوە جدی و پاشێلکارییا. وە بێجگە چانەیچ ئی ئاژە جە دژو گرڎو کوردی و گۆشەگیرکەردەی گەلو کوردین."

'تەڤگەری ئازادی پەی مافو دیموکراتیکی کوردا و مافو مرۆڤی ئەرەکۊشۆ'

جە بەردەوامینە ئۆگموندور جۆناسۆن ئاماژەش پانەیە کەرڎ کە گرڎ کەسێ عەبدوڵا ئۆجالانی پېسە سەردارو تەڤگەری ئازادی کورڎەسانی مشناسۆ و واتش: "تەڤگەری ئازادی پەی مافو دیموکراتیکی، سیاسی، کولتوری کوردا و مافەکا مرۆڤی ئەرەکۊشۆ. پەیامو ئەنقەرەی بە گۆشەگیری ئیمراڵی پەیامێوەن پەی کوردا کە عیلاقەش بە ئەرەکۊشای ئازادییوە هەن. هەر پۊکەی گەلو کورڎی گۆشەگیری ئیمراڵی پېسە گۆشەگیری سەرو گرڎو کوردی موینا. هەوڵدایۍ مافدارە کە ئینسان پێوەس بە ڕژێمو ئیمراڵیۆ قسۍ بکەرۆ، پەنەوازا دمایی بە ڕژێمو ئیمراڵی بۍ."

جە درێژەنە ئۆگموندور جۆناسۆن سەرەنجش وست سەرو گوزارشتەو ٢٠١٩و سی پی تی و باسش چانەیە کەرڎ کە چا گوزارشتێنە داواکریا بەتەمامی دمایی بە ڕژێمو گۆشەگیری بێنە، بەڵام چێوۍ چامنە ڕووەش نەڎا چونکی تورکیا و ناتۆ ئاشتیێوە مەرجدارشا گەرەکا.

'ئاشتی کورڎەسانەنە چەسپنمۍ؛ جەهانەنە وەڵاش مکەرمێوە'

جە دماینە ئۆگموندور جۆناسۆن ئاماژەش بە گرنگی بنیاڎنیا تۆڕەو ئەرەکۊشای مېیاننەتەوەی کەرد و واتش: "پېسە چنی ئانەی هێزە ئیمپرالیستەکایچ کەردەن، هامکاری مکەرا. پەنەوازا ئێمەیچ هەمان چیو بکەرمۍ، کۊششی مرۆڤایەتی بکەرمۍ. وەختۍ تەماسەو تاریخی مکەرمۍ، موینمۍ سەرکۆتە مەبۆ.

تەڤگەرەکۍ پی جۆرە سەرۍ گنا. بە ۋێنیشاندای و کاری جەماوەری مەرامو تەڤگەرەکا سەرگنۆ، هەر پێسە ئانەی کە جە ساڵەو ١٩٨٠ینە کاتێ ئەمریکا گەرەکش بۍ سیستەمو موشەکی جە ئەڵمانیانە بنە پنەوزۆ، بەڵام بە ناڕەزایی و ۋێنیشاندای جەماوەری ڕا چا هەوڵەیە گیریا و تەڤگەرە جەماوەرییەکۍ سەرکۊتەیشا بەدەسئارڎ.

پۊکەی هیواڎەرەنە جە مژارو عەبدوڵا ئۆجالانیچەنە هەمان کار بکەرمۍ، چونکی جە ئیساتێنە جە گرڎ شۊنۍ جەهانینە ئاژێوە هەستیار و جەنگ هەن، گەر قۆناغەو ئاشتی دەسپنە بکریۆوە، وە دمایی بە گۆشەگیری ئیمراڵی بێنە ئانە بە دڵنیاییوە کاریگەریش سەرو ئاشتی جەهانی وەشمکەرۆ. ئامانجەکە هامشێوەو تیۆری دۆمینەیا؛ جە کورڎەسانۆ دەس بە ئاشتی مکەرمۍ و دماتەر جە ۋەرکۆتوو مېئامینینە و جەهانینە وەڵاش مکەرمێوە. جەهان گرڎ پەنەوازیێوەش پینەیە هەن، یانی ئینە نەک بە تەنیا پەنەوازی کوردان، بەڵکم گرڎو مرۆڤایەتی پەنەوازش بە دمایپنەئارڎەو گۆشەگیری سەرو عەبدوڵا ئۆجالانی هەن."