هامسەرۆکەو کەجەدەی لەیلا گوڤەنە جەختش سەرو خاوەنداریکەردەی جە پرۆسەو چارەسەری کەردەن و واتش: "مشۆم بزانیۆ گەلەکەما و بەتایبەت ژەنی خاوەنداری جە گرڏ جۆرە پێشنیارێوە ئێژا ئۆجالانی پەی چارەسەری مکەرا."
هامسەرۆکەو کۆنگرەو گلێرگەو دیموکراتیکی (کەجەدە) ی کە جە گێرتەخانەو سینجانی ڕاگیریێنە، دماو سەردان کەردەی شاندو ئیمراڵیی دەم پارتی ئەرەیاونێوەش وەڵاکەردەۆ.
لەیلا گوڤەنە دەستنیشانش کەردەن گرڏ کاتێ ڕابەر ئاپۆ موخاتەب و هەوڵدەرو پرۆسەو ئاشتی بییەن و ماچۆ: "گرڏ کاتێ ئێژا ئۆجالان دانوستانکارو گەلو کوردی بییەن، پۆکەی مشۆم زانیۆ گرڏ کاتێ هەر جۆرە پێشنیارێوە ئێژا ئۆجالانی پەی چارەسەری جە لایەنو گەلەکەیما و بەتایبەت ژەناوە خاوەنداریش چنە کریۆ."
گوڤەنە ئاماژەش بە ئەرەکۆشای ٥٠ ساڵاو ڕابەر ئاپۆی کەردەن جە خوڵقناو دەسکەوتەکانە و ماچۆ: "کاتێک تەماشاو فرە کلتووری و فرە شناسنامەو وەرکەوتوو دلێڕاسەی مکەرمێ، وینمێ سەرنجەکێ چارەسەری ئێژا ئۆجالانی بەشداریێوە گۆرەن جە ئاشتی وەرکەوتوو دلێراسەینە."
جە بەردەوامیینە لەیلا گوڤەنە جەختش کەردۆ جە بەشداری جدیانەو گرڏ لایێ پەی پرۆسەو چارەسەری دیموکراتیکانەو پرسو کوردی و ماچۆ: "گەلەکەما کە بە ویرو و فەلسەفەو ئێژا ئۆجالانی ڕۆشن بییەنۆ، گرڏ تاکێ خاوەنداری چی پرۆسەنە مکەرۆ، بڕاوای تەمام بینەیە هەن.
جە دماینو ئەرەیاوناکەینە لەیلا گوڤەنە سڵامش جە گرڏو گەلی کەردەن و ئەرەیاونانش: "بە هیوانا جە ماوێوە نزیکەنە چنی ڕێبەر ئاپۆی جە قەڵاو ئامێدی زەماوەنەو ئاشتی گێڵنمێ."
