شارو لینزو نەمساینە جەژنەو نەورۆزو ئازادی گەلا چېردەسەی و ٤و نیسانی ڕۆو ژیۋایۆ گەلو کوردی پیرۆز کریا. چالاکییەکە بە دەیەقێوە ڕێزگېرتەی پەی تەمامو گەشمەرڎا ئازادی کوردەسانی دەسش پنەکەرڎ، ٧٦ەمین ڕۊبیەو ڕابەر ئاپۆیچ پیرۆز کریا.

جە مەراسیمەکەنە یاگەگیرەو سەرۆک شارەوانی لینزی، تینا بلوچلە بەشداریش کەرڎو نەورۆزش جە گرڎ کەسۍ پیرۆز کەرد و ئاماژەش پانەی دا جە نەمسانە زیاتەر جە ١٥٠ کلتوورۍ جیاوازۍ پېوەرە مژیۋا، بیەو کوردایچ جە هەرێمەکەنە یاگۍ دڵوەشیا. بە نامۍ شارەوانی لینزیوە دیتمار پارمەر نەورۆزش جە گەلو کوردی پیرۆز کەرد.

هامسەرۆکاو گلېرگەی ئازادی ئەحمەد زیرەک و دیلەک کاراهانە لوۍ سەرو سەکۆی و سڵامشا ۋنەو گەلی کەرد. هامسەرۆکا واتشا: "ئېساڵ بە بانگەوازو ئاشتی و گلېرگەی دیموکراتیکی ڕابەر ئاپۆی نەورۆز ماناڎارتەر بی، پەی گەلو کوردیچ بی بە مۆڕاڵێوە بە هێز." هامسەرۆکا ئاماژەشا پانەی دا مشۊم دەمودەس ئازادی بەڎەنی ڕابەر ئاپۆی مسۆگەر بکریۆ.

جە مەراسیمەکەنە هوتافەو "بژیۋۆ سەرۆک ئاپۆ"ی بەرزکریاوە. هونەرمەڼا ڕۆتیندا، ئاگری ژیان، سیمار، ئازاد بەدران، کۆما دەم، کۆما ڕۆژئاوا و ئیبراهیم ئاگدات هونەرەکەو ۋێشا پێشکەش کەرد.