عەلیێڤ و پزیشکیان باکۆنە کوۍ بیێوە
سەرۆککۆمارو ئازەربایجانی ئیلهام عەلیێڤ و سەرۆککۆمارو ئێرانی مەسعود پزیشکیان جە باکۆنە کوۍ بیێوە.
گلېرۊبیەو سەرۆککۆمارو ئازەربایجانی ئیلهام عەلیێڤ و سەرۆککۆمارو ئێرانی مەسعود پزیشکیانی دماو گرژییی چڼین ساڵەو بەینو دووە وڵاتەکەی ئەنجامدریا.
سەرۆککۆمارو ئازەربایجانی جە ماڵپەڕو ۋێشەنە سەرو ئەنتەرنێتیۆ ئەرەیاۋنێوەش جەبارەو گلېرۊبیەکەیۆ وەڵاکەرڎۆ، هەرپاسە نووسینگەو ئیلهام عەلیێڤی وێنەو هەردووە سەرۆککۆمارەکەیش وەڵا کەرڎۆ.
شیاوو باسیا، گلېرۊبیەکەی دووۍ ڕوۍ دماو ئەوەتەقایۆ گۊرەکەو بەندەر عەباسی جە ئێرانەنە کە بە مەڵامەتشۆ ٤٦ کەسۍ گیانشا جە دەسدا، لوواڕاوە.
ڕۊو یەکشەممەی وەڵۍ گلېرۊبیەیش چنی پزیشکیانی، عەلیێڤ ئەرەیاۋنابێش "فرە خەمبارا بە قۆمیاکەو بەندەر عەباسی".
