عایشەگوڵ دۆغانە واتەواچەو پارتو یەکسانی و دیموکراسی گەلا (دەم پارتی) جە مییانو گرڏی پارتەکەینە کۆنگرێوە ڕۆنامەوانیش ئەرەیاونا کە پەی دیداری یەرەمی چنی ڕابەر ئاپۆی داواکاریش پێشکەش کەرد.

عایشەگوڵ دۆغانە ئاماژەش پانەیەدا چەمەڕاو ئانەینمێ شاندو ئیمراڵی جە ماوێوە نزیکەنە بلانە ئیمراڵی و واتش: "پەی ئانەی ژیوایێ تازە بنیاد نریۆنە، جە هیزی زیاتەر بە هیوا و وەسیێ گۆرە چەمەڕاو قسە تاریخییەکا ڕابەر ئاپۆینمێ. چنین جارێ چێوە ئینەما باس کەردەن. قسێوە کە مەبۆنە دماش وسمێ. چێشما وات؟ ئینایمێ دەستپێکێوە تازەنە. یۆ جە بنەما بنەڕەتییەکا وەشکەردەو ئی ژیوایە تازەینە، ڕا وەشکەردەی پەی ئی قسا. ئەر ڕا پی بەربڕییەی دەیمێ، ئانە پێوانە یاساییە دیموکراتیکەکێ جابەجێ کریانە. ئامانجما پەی گلێرگەو دیموکراتیکی بە دی مێ. حەر پۆکەی کاتو ئانەین بە ئازی و بێ تەرس هەوڵدەیمێ پەی ئاشتیی، فاڕییاو دیموکراتیکی و پەشتگیریش کەرمێنە".

جە دماینو قسەکاشەنە واتش: "سەبارەت پانەی ئەحمەد تورکیچ چنی شاندەکەی سەردانو ئیمرالی بکەرۆ داواما کەردێنە. تا ئیسە جوابو داواکارییەکەی نەدریانۆ، نمەتاومێ پەشڕاسش بکەرمێوە ئەحمەد تورک دلێ شاندەکەینە بۆنە یا نا، بەڵام دلێ  ئاکەسانە پەی لوای ئیمراڵی داوا کریان  ئەحمەد تورکیچ هەن".