بەپاو ئەرەیاونای کۆشکیەوئەلیزەی کە جە ئاژانسو فرانس پرێسینە وەڵا کریانۆ، ئەحمەد شەرع، یووەم سەرۋنەدایش پەی ئۊروپای جە پاریسۆ دەس پنەمکەرۆ و جە لایەنو ئیمانوێل ماکرۆنیوە پێشوازیش ۋنە مکریۆ. 

بەپاو هەمان سەرچەمەی سەرۆکو فەڕەنسای "پابەنڎبیەی ۋێش پەی بنیاڎنیای سوریایۍ تازەی سەربەس، ئارام و ئازادی واوەی کەرڎۆ که ڕێز جە گرڎو پێپېکئامایەکا گلېرگەو سوریای گێرۆنە." 

هەرپاسە سەرۆکایەتی فەرەنسای ئەرەیاۋنانش کە ئی گلېرۊبیەیە بەردەوامی پابەندبیەی تاریخی فەرەنسایا پەی ئا سوریا کە شۊنەو ئاشتی و دیموکراسیرە گێڵانە. 

شیاوو باس کەردەیا سەرۆکو فەرەنسای سەرەتاو مانگۊو شوباتی، سەرۆکو کاتی سوریایش پەی فەرەنسای خوڵقە کەردەن. 

ئی خوڵقۍ مەرجدارەنە پەی بنیاڎنیای سوریایۍ تازەی کە ئاسایش و مافو گرڎو پێکئامایەکا سوریای مسۆگەر بکەرۆ ئەنجامدریان، هەرپاسە گلېرۊبیەکۍ وەڵتەری چی چوارچێوەنە بە 'ئەرێنی' وینیێنۍ