ڕێکوزیاو جەمەو مافو مرۆڤو کوردەسانی ئەرەیاۋناش جە بەردەوامی پاشلێکاری و گێرتەی هاموڵاتیا کوردینە جە ۋەرکۊتوو کوردەسانی جە لایەنو دۊڵەتو ئێرانیوە دووۍ هاموڵاتیۍ خەڵکو بۆکانی باڵبەسۍ کریۍ و دووۍ مامۆسۍ ئاینی سەردەشتی سزاو زینانیی کەردەیشا سەرەرە سەپیا.
بە پاو ڕێکوزیاو جەمەو مافو مرۆڤو کوردەسانی؛ دووۍ هاموڵاتیی کوردۍ بە نامەکا مووسا یادیاری و هەمزە یادیاری، کە برێنۍ و خەڵکو دەگاو گۆکتەپەو سەر بە شارو بۆکانو ۋەرکۊتوو کوردەسانینۍ جە لایەنو هێزە ئەمنییەکا ئێرانیوە باڵبەسۍ کریۍ و پەی شۊنەمېوە نا دیاری فاڕیێوە.
ئاماژەش پانەی کەردەن؛ ئا دووە هاموڵاتییە کوردێ بە بێ فەرمانو دادوەری باڵبەسێ کریێنێ و مەڵامەتەکەیشش پەی پۆشای جلوبەرگی خاکی و جامانێ جە زەماوەنێنە گێڵناوە.
ڕێکوزیا و جەمەو مرۆڤو کوردەسانی پێوەس بە سزادای دووێ مامۆسێ ئاینیێ جەلایەنو دۆڵەتو ئێرانیۆ واتش: " دووێ مامۆسێ ئاینیێ کوردێ سەلام مەحموودیان وەرنمای کەرو مزگی دەگاو بێورانو واروی و حەسەن خزری وەرنمای کەرو مزگی دەگاو بێورانو سەرووی سەر بە شارو سەردەشتو وەرکەرتوو کوردەسانی جە لایەن و دادگاو تایبەتو مەلاکاوە جە ورمێنە بە دووێ ساڵێ زینای کەردەی و بە وجارای ٢٠ ملیۆن تمەنا سزا دریێ."
