مییانو ئەرەیاونای قەسەدەی جە ئەرەیاونێوە نویسریانە ئاماژەش پانەیە کەرد کە دووێ هرووژمێ شانێ چەتێ داعشیشا جە دەگانشینا وەرکەرتوو دێرەزۆریرە ماڕینێ و چنین چەتێ بە زامڏارێ بڕەمێنێ.

دەربارەو هرووژمەکەی ئی زانیاریێ وەڵاکریێنێ:

"جە دووەم رۆو هرووژم و چەتەکا داعشینە، هێزەکێما هرووژم و شانەو چەتە تیرۆریستەکا داعشیشا سەرو نوقتێ سەروازیێ و بارەگاکاما جە دەگانشینا وەرکەرتوو دێرەزۆریرە ماڕێنێ.

هیزی (دووشەممە) هێزەکێما دووێ هرووژمێ شانەو چەتەکا ڕێخکوزیا و تیرۆریسی داعشیشا سەرو ناوچە و زیبان و شحێلی دەگانشین و وەرکەرتوو دێرەزۆرینە ماڕێنێ.

هرووژمی یوەم وێرەگاو دووەشەمەی سەرو یەرە شەمەی دژو نوقتێوە سەروازی نزیک لێوانو زیبانی ئەنجام دریێ. چەتەکێ هرووژمەکەنە چەکی ئار بی جیشا بەکارئارد. هرووژمی دووەم جە هەمان کاتەنە دژو نوقتێوە سەروازی هێزەکاما جە ناوچەو شحێلی ئەنجام دریا. چی هرووژمەنە چەتەکێ چەکی بیکەسی و کڵانشیکۆفشا بەکارئارد.

جەنگاوەرەکێما جوابو هەردووی هرووژمەکەیشا داوە. جە ئەنجامەنە گورزێوە کوشندێ وەرو چەتەکا کەوت و ناچار بە بڕەمای کریێ. هەردووی هرووژمەکەنە هیچ زەرەرێ وەرو هێزەکاما نەکەووتەن، بەڵام پەیما ڕۆشن بییەنۆ چنین چەتێ زامڏارێ بیێنێ، بەڵام ژمارەشا مەزانریۆ.

هێزەکێما واوەیشا کەردۆ ئەوەکۆشایشا جە دژو شانە ڕێکوزیاکا تیرۆرسو داعشی بەردەوام بۆنە تا خاپوورکەردەو گرڏو حەشارگەکاشا و ڕزگارکەردەو هەرێمەکەی و جەهانی جە بەڵا و کردەوێ تیرۆریستی."