شارو ڕۆمای پایتەخەتو وڵاتو ئیتالیاینە ساڵڕۆو ڕزگارکەردەو کۆبانێ جە دەسو چەتەکا داعشی، چالاکییێ هامبەش جە لایەنوNon Uno Di Meno, UİKİ و جەمەو کوردیی ئاراراتی ڕێکوزیا

جە چالاکییەکەنە ژمارێوە فرە جە کوردا و دۆسەکاشا ئامادێ بێنێ، یاگێ چالاکییەکەینە ئاڵاکێ یەپەگە و یەپەژە هورواسیێبێنێ.

چالاکییە بە نیشاندای کورتە فیلمێوە سەرو مڏرامانەکا یەپەژەی جە شۆڕشو وەرنیشتینە دەسش پنەکەرد.جە بەردەوامیینە فیلمێوە سەرو مڏرامانو کۆبانێ، کە هەر جە کۆبانێنە تۆمار کریان، نمایشکریا.

دماو نیشاندای فیلمەکا، بەشدار بییەکێ سەرو مڏرامانەکا وەرنیشتی باسوخواسشا کەرد و جە دماینە پێوەرە سڵامشا جە مڏرامانو گەلی و جەنگاوەرەکاما کریا جە بەندواو تشرینەنە.