مڏرامانو گەلی جە بەنداو تشرینینە ٤٣ روێن بەردەواما
مڏرامانو گەلی جە بەنداو تشرینینە ٤٣ ڕوێن جە دژو هرووژمەکا دۆڵەتو تورکی ئەرەگیری و چەتەکاش بەردەواما.
مڏرامانو تشرینی
ئێشکگیرا مڏرامانو بەنداو تشرینی جە ئەرەنیشتا شارەکا قامیشلۆی، تربەسپی، عامودە و تەل حەمیس جە ٤٣هەمین ڕۆو ئێشکگیری مڏرامانیشانە.
دۆڵەتو تورکی چنی چەتەکاش جە ٨و کانوونو یوەمو ٢٠٢٤وە ئاسمان و زەمینەنە هرووژمو بەنداو تشرینی و سردەو قەرەقۆزاقی مکەرۆ.
هرووژمە ئەرەگیرییەکا جە وەراوەرو مڏرامانو جەنگاوەرا یەپەژەی و قەسەدەی پێوەرە تووشو شکستی باوە.
مڏرامانو گەلی جە ٨و کانوونو دووەمیۆ بەردەواما. جە ئەنجامو هرووژمەکا دۆڵەتو تورکینە چنین هاموڵاتیێ مەدەنیێ گەشمەرڏێ و زامڏارێ بیێنێ. هەرپاسە جە هرووژمە ئەرەگیرییەکانە تا ئیسە یەرێ ڕۆنامەوانێ گەشمەرڏێ بیێنێ کە پەی ڕووماڵو مڏرامانو گەلی لوێنێ بەندوا تشرینی و دەورووبەریش.
