ئەنجوومەنو سوریاو دیموکراتیکی ئەرەیاوناش، بە نیگەرانیێ فرۆ قەراور ئەرەمەرزنارەو کۆمیتەو ئامادەکاری 'کۆنگرەو دیالۆگو نیشتمانی' وینمێشو ئەرەیاوناش: "ئ کۆمیتە جە لایەنێوە و ڕوانگێوە سیاسیی ئەرەمەرزیان،

مەسەدە جە بەیاننامەکەنە  ئاماژەش پانەیەکەرد، ئا کۆمیتە کە پێکئامان، نوێنەرایەتی گرڏو سورییەکا مکەکەرۆ، هەرپاسە هێزە سیاسی، کۆمەڵایەتی و نیشتمانییەکێ بە ئاشکرا دوورێ وزیێنێ و دوروزتەیشاوە پاشێلکاریێ ئاشکران جە بنەماو یۆگێرتەی نیشتمانینە.

هەرپاسە مەسەدە جەختش چانەیە کەردەنۆ کە پەراوێز وستەو بە ئەنقەسو هێزە سیاسییە نیشتمانییەکا کە ساڵانێوەن دژو ڕژێمو ئەسەدی ئەوەکۆشایشا کەردەن، کوشیێنێ، باڵبەسکریێنێ، دەربەردەرێ و کۆچبەرێ کریێنێ، نیشاندەرو ئانەین کە حیچ نیازێوە ڕاس جە هەرمانێنە نەبییەن پەی بەشداریکەردەی گرڏی جە بنیاتنیایۆ ئایندەو سوریای. ئی هەڵوێسە پێسەو واوەی کەردەیۆ سیاسەتو نکۆڵی ڕژێمو وەڵینی کە ڕاگیر بێ جە ئەرەمەرزنارەو دۆڵەتو دێموکراتیکی.

مەسەدە پەی خزمەتکەردەی بە کۆنگرەو دیالۆگی نیشتمانی کە گرڏو پێکئاماکا سوریای گێرۆوە و دیالۆگێوە نیشتمانی حەقەتینە ئەرەمەزنۆ و یارمەتیدەر بۆنە جە بنیاتیاو سوریێوە دیموکراتیکی و فرە چەشنی و لامەرکەزی کە مافو گرڏ هاموڵاتیێ مسۆگەر بکەرۆ، داوا سەر جە نۆ ئەرەمەرزنارەو کۆمیتەو ئامادەکاریش کەرد.