ئەرەنیشتا کامپو پەنابەرا گەشمەرڏە ڕۆستەم جودی (مەخموور) بە ڕاپیمێوە جەماوەری پیلانگێڵی مییاننەتەوەیی ١٥و شوباتی سەرو ڕابەر ئاپۆیشا شەرمەزار کەرد.

جە ڕاپیماکەینە لافیتێ بە نووسینی "پیلانگێڵی مەڕیۆنە، ئازادی ڕابەر ئاپۆی مسۆگەر مکەرمێنە" و ئاڵاشا بە وێنەو ڕابەر ئاپۆی و درووشمەکا "بژیوۆ سەرۆک ئاپۆ" و "کەس نمەتاو دۆما تاریک بکەرۆ" بەرزکریێوە.

ڕاپیمای بە یاوایشا بە وەڵێ باڵەخانەو نەتەوە یۆگێرتەکا فاڕیا پەی گلێرۆبییەی و چاکە جە لایەنو هامسەرۆکا ئەنجومەنو گەلوو مەخمووری فلیز بوداکاوە ئەرەیاوناکەی ونریاوە.

فلیز سەرەتاو قسەکاش بە شەرمەزاکەردەی پیلانگێڵی مییاننەتەوەیی دەسش پنەکەرد و جە بەردەوامیینە گرڏو گەشمەرڏا ڕاو ڕزگاری کوردەسانیشا یاڏ کەردێ و واتس: "ڕابەرما ماچۆ 'بە گەنجی دەستما پنەکەردو و بە گەنجیش سەرگنمێنە' سڵام جە ڕابەریما مکەرمێ."

جە دماو قسەکاش ڕاپیماکەرا بە بەرزکەردەیۆ درووشمو ،،کەس نمەتاو ڕۆما تاریک بکەرۆ"، "بێ سەرۆک ژیوای نمەبۆ" و "ژەنی ژیوای ئازادی" دمایش ئاما.