مېیانو ئەرەیاۋنای هێزەکاو سووریای دیموکراتیکی (قەسەدە)، ئامارەو ٢٤ سەعاتی ۋېیەردەو مڎرامانوو جەنگەواناش دژ بە هرووژمەکا دۆڵەتو ئەرەگیرو تورکی و چەتەکاش وەڵاکەرڎۆ.

جە سەرەتاو ئەرەیاناکەینە قەسەدە ئاماژەس بە ماڕاو حەفارێوە ئەرەگیرا کەردەن و ماچۆ: "جە جواب دایۆ  ڕاستەوخۆو هرووژمەکا دۆڵەتو ئەرەگیرو تورکی و چەتەکاش؛ جەنگاوەرێما، هیزی، حەفارێوە هێزەکێ ئەرەگیرو تورکیاشا جە تەپو قەرەقۆزاقی دلێنە بەر، کە سەرقاڵو درووسکەردەو قەڵغانی بێنێ دلێ بنکەکەو ئەرەگیرانە."

چالاکیەکێ یەکینەکا گەشمەرڏە هاروونی

جە ئەرەیاوناکەینە ئاماژە بە چالاکی کاریگەری یەکینەکا گەشمەرڏە هاروونی کەردەن و ماچۆ: "ئاماژەو یەکەکا  گەشمەرڏە هاروونی، گلێرۆبییەی چەتەکا ئەرەگیرا تورکیای جە دەوروبەرو دەگاو خرب زمالە، جە دەوروبەرو بەنداو تشرینی کەرد ئامانج، کە بی بەمەڵامەتو کوژتەو و زامڏاربییەو ژمارێوە جە چەتەکا، بەڵام ژمارەی درووسشا نەزانریان."

قەسەدە ئانەیشش وست ڕووە: "هەرپاسە جەنگاوەرێما چالاکییێ تەرشا جە دەوروبەرو بەنداوەکەی ئەنجامدان، دلێشەنە گلێرۆبییێوە تەرو چەتەکاشا کەردەن ئامانج، کە وێشا ئامادە کەرێنێ پەی هرووژم کەردەی سەرو جەنگاوەرەکاما، چالاکییەکە بیی بەمەڵامەتو کوشتەی و زامڏاربییە ژمارێوە جە چەتەکا، ئەوێ تەرێچ جە ناوچەکەنە بڕەمێ."

جە بارەو هرووژمەکا دۆڵەتو ئەرەگیرو تورکیۆ قەسەدە ماچۆ: "سوپاو ئەرەگیرو تورکی بەردەوام بی جە بۆمبوارانو دەوروبەرو بەنداوەکەی بە تۆپەی قورسە و تانک، چنی بۆمبوارانەکەی بە فڕۆکەی بێفڕۆکەوان بە درێژایی شەوەو پەنچ شەمەی، جومعە و بەیانی جومعەی، بۆمبوارانەکە چڕ کریاوە سەرو یاگێ ئەرەنیشتەی کرێکارا زەرەری ماددیش ونە کەوتۆ."

ئاماژەش پانەیەدا: 'هەرپاسە فڕۆکە جەنگییەکێ ئەرەگیرو تورکی دووێ هرووژمێشا کەردێ سەرو شارۆچکەو “شێخلەر،شیوخ” و زەرەری ماددی بە یانە و موڵکو خەڵکی یاوا، هەرپاسە فڕۆکەی بێفڕۆکەوان بە درێژایی ڕۆی بە ئاسمانو ناوچەکەیرە خولیێوە، هەرپاسە دۆڵەتو تورکی دەگاکا دەوروبەرو شارو کۆبانێش بە تۆپی قورس تۆپواران کەرد، کە بیی بە مەڵامەتو زەرەری ماددی جە یانەو هاموڵاتییا و بەردەوام فڕۆکە بە ئاسمانو ناوچەکەیرە خولیێوە."