سەرۆكو هەرمان ڕای کەرو هەرێمو كوردەسانی ئەرەیاوناش: "پێشوازیی جە قەرارەکە و پەكەكەی و بە لوای دەمۆ بانگه‌وازو ئێژا ئۆجالانی مکەرمێنە ئی قەرارەیە بە هەنگامێوە چارەنوویسساز مزانمێنە و پێشئامایێ تاریخییا."
ئارۆ پارتو كرێكارا كوردەسانی- پەکەکە ئەنجامنامەو کۆنگرەو ١٢ـەمینو وێش ئاشکرا کەرد و هورشێونایۆ وێش ئەرەیاونا و ئەوەکۆشای چەکداری و گرڏو ئا هەرمانا بەنامێ پەکەکەیۆ ئەنجام دریانە دمایش پنە ئاردێ. هەرپاسە کۆنگرەکە گەشمەرڏە بییەو عەلی حەیدەر قەیتانی و ڕەزا ئاڵتوونیش ئەرەیاونا.
سەرۆكو هەرمان ڕایکەرو هەرێمو كوردەسانی ئەرەیاوناش جەبارەو ئەنجامنامەو کۆنگرەو پەکەکەی واتش: "پێشوازیی جە قەرارەکە و پەكەكەی و بە ئامای دەموو بانگه‌وازو به‌ئێژا ئۆجالانی مکەرمێنە ئی قەرارە بە هەنگامێوە چارەنووسسازش زانمێنە، کە لاپەڕێوە تازە جە ناوچەکەنە مکەرۆوە. ئی هەنگامێ ڕا پەی دیالۆگێوە حەقەتیێنێ مکەرۆوە هەرپاسە، پێوەرە ژیوای و سەقامگیری جە تورکیای و سەرتاسەرو ناوچەکەی بەهێز مکەرۆ."
جە بەردەوامینە ئاماژەش بە گرنگی هەنگامێوە پرکاتیکی کەردەن و ماچۆنە: "ئیسە كاتو ئه‌ئانەین و گرڏ چەمشا ئینا چانەی ئی هەنگامە گرنگێ بە هەنگامەی تەرە‌ى ئەرێنی و پەنەوازە جەلایەنو گرڏو لایەنە پەیوەندیدارەکاوە جواب دریۆوە، ئه‌ئینە زەمینێوە درووس و گونجیا مارۆنە ئاراوه و بۆنە بنەمێوە ئاشتی هەمیشەیی و گشتگیر، ناوچەکە بەرەو ئاسۆی تازەی وەڵکەوتەی بەرۆ."
جە دماینە ماچۆنە: "هیواڏارێنمێ ئی دەسوەڵوستەیە بۆنە خاڵەو هورچەرخنای یەکلاکەرەوە، هەرپاسە ئامادەیيی تەمامو وێما بەربڕمێنە پەی به‌رده‌وامی جە پێشکەشکەردەو حەر جۆرە يارمه‌تى و هامكاریێ پەی سەرکەوتەو ئی دەرفەتە تاریخیێ."
