سەرسەعبو ئارۆی جە مەنتیقەکا ئارتوکلی و کەربۆرانی مێردینی و مەنتیقەو هەزەخی شرنەخی جە ئۊپەراسیۆنی پاکتاوکەرڎەی سیاسی و هورکوای سەرو یانانە ١٢ کەسۍ گیریۍ.

جە کۊڵانەو ساراچۆگلوی جە مەنتیقەو ئارتوکلوی جە مێردین جە هورکوای سەرو یانانە ڕەمەزان، عەگید و هێژا کاڵکان جە خانەوڎېوەنە و هیڤیدار و بێریڤان تاشە گیریۍ. حەرپاسە فرات ئاکار و ڕۆژهات ئاڵتاش-یچ جە مەنتیقەو ئارتوکلوی گیریۍ و بە پاو زانیارییەکا کەسە  ئەرەگیرکریېکۍ پۍ ۋنەکۊڵیای بریا پۍ ئامەڎی، چونکیم ئا ئۆپەراسیۆنە پاکتاوکارییە سیاسییە جە چوارچێوەو ۋنەکۊڵیایۍ داواکاری گرڎی دەوڵەتو تورکی جە ئامەڎ سەبارەڎ بە کۊنگرەو ئەنجومەنو جوۋانا هەدەپەی ئەنجامدریان                                                         

حەرپاسە جە کەربۆرانیچ مەروە ئۊگوزە و کەسێوە تەر، کە تا ئیسە نامەکېش ڕۊشنە نەبیېنۊ، گیریۍ.

جە لایۍ تەرۆ، ئا ١٧ کەسەی هېزی جە مێردین گیریۍ بېنۍ، تا ئیسە فەرمانڎەیی جەندرمەینە ئاستېنېشاوە.

شرنەخ

جە وەردەوامیی هورکواکا دەوڵەتو تورکی پۍ سەرو یانا جە مەنتیقەو هەزەخی شرنەخ-یچ هورشاکوا سەرو یانا و حەر یۊ جە جڤان کاراڤیچ، ئومێد گەچگەل و یوسف کارگۆل گیریۍ. کەسە گیریېکۍ بریېنۍ پۍ ڕاوەبەری ئاسایشو مەنتیقەکەی.

ه . ش