پارێزنەرا بە مەبەسە لوای پەی ئیمراڵی داواکاریشا پێشکەش کەرد
پارێزنەرا ڕابەر ئاپۆی پەی ئانەی تاوانە چەمشا بە موەکیلەکەیشا گنۆنە کە جە زینانو ئیمراڵی گۆشەگیر کریان، داواکاری تازەشا بەرزکەردۆ.
پارێزنەرا نوسینگەو یاسایی سەدەی رەزان ساریجان، رازیە ئۆزتورکە، فایەق ئۆزگور ئەرۆڵ و مەزڵوم دینچ بەمەبەسو دیداری چنی ڕابەر ئاپۆی سەردانو داواکاریی گرڏی کۆماری جە بورسانە و ڕاوەبەرایەتی زینانو ئیمراڵیشا کەرد.
پارێزنەرا هەرپاسە پەی دیداری چنی موەکیلەکا تەریشا جە ئیمراڵیینە عومەر خەیری کۆنار، حامیلی یەڵدرمەو وەیسی ئاکتاشیش هەمان داواکاریشا بەرزکەردۆ.
داواکاری پارێزنەرا و بنەیانەکا پەی ئەنجامداو دیداری بە شێوەو سیستماتیکی و بێ بنەما ڕاگیریش چنە کریۆ و فرەو جاریش حیچ جوابیشا پنە مەدریۆوە.
