گێرتەی هامسەرۆکاو شارەوانی ئاکدەنیزی هۆشیار ساری یەڵدز و نوریە ئارسەلانە و ئەنداماو ئەنجوومەنو شارەوانی ئۆزگور چاگلاری و نەزلیهان ئۆروچۍ و حیکمەت باقرخانی و دەسسەرەرەگێرتەی شارەوانییەکەی، جە گەڕەکەو یەنی بازاری شەرمەزار کریا. جەماوەر ۋەردەمو بیناو دەم پارتینە گلێرۍ بیێوە و گەرەکشا بۍ سەردای کاسبکارا بکەرا، ۋەردەمو بیناکێنە سەڎان پۆلیسۍ ڕاشا جە گەلی گێرت و تەوقەشا دۍ، کاتێ جەماوەر گەرەکشا بۍ ڕاپیمای بکەرا، پۆلیس هرووژمش کەرڎ سەرشا. جەماوەر بە درووشمۊو "بە فشار نمەتاوا ئێمە بماڕا" جوابو هرووژمەکەیشا داوە.

پەرلەمانتارەو دەم پارتی پەریهان کۆجا ناڕەزایش ۋەرا ۋەر بە هرووژمەکەی نیشانە دا و ئەرەیاۋناش ئینە تاوانێوە ئەنقەسەنە و پاشێلکەردەی یاساین، واتش: "تیرۆری هەرە گۊرە جە لایەنو کۆشکیوە کریۆ، ئینە نامەردیێوە گۊرەن".

پۆلیس دیسان هرووژمشا کەرڎ و جە ئاکامەنە هاموڵاتیێو زامڎاربی.

مڎرامانو جەماوەری بەردەواما.