پەدەکە جە بەردەوامی دژبەری کەردەیش پەی جمیەرو ئازادی کوردی و گەریلاکێ ئازادی کوردستانی، جە دمای زینێ وەرتێ (زینێ ئەستێرۆکان)، ئەی جارە هێزی تایبەتو (گوڵان)ی کە سەر بە مەسرور بارزانی، سەرۆکوەزیرو هەرێمو کوردستان-یەن و چەکی قورسش ڕەوانەو هەرێمو (گارێ)ی کەرد.
گارێ سەر بە هەرێمەکێ پارێزنای مەدیا-یەن و گەریلا چنەش باڵادەستەن و پەدەکە بە فەرمان و پیلانو ڕژێمە ئەرگێرەکەو تورکیای هەوڵ مڎۆنە کۆنترۆڵش بکەرۆنە و دمایی تەسلیم بە سپاو ئا ڕژێمە دژە کوردەیشە بکەرۆن.

دیمەنێ ڕەوانەکەردەی هێزەکەی و چەکە قورسەکێ پەدەکە-ی پەی گارێی نیشانەش مڎانێ کە بە ژمارێوی فرێ ماشینێ و باربەرێ ئا هێزێ و چەکێ و شۆفڵێ و بلدۆزەرێ و بێلێ میکانیکیێ، بریێنێ ناوچەکە.

سەرچەمە هەرێمیەکێچ ئاشکراشان کەردەن: ئا هێز و چەک و تفاقە سەربازییە، بریێنێ دەگایەکێ (مەلکێ، دۆستەکا، گیسێ، مامیشمیش، بەرزایی دینارتە)ی و بەرزاییەکێ (مەزرینگان، ناوخۆش، دفرێ)ی و دەگا ئاسوریی و زێباری نیشینەکێ بنارو گارێی”.