پەکەکە ئەنجامنامەو کۆنگرەو ١٢ـەمیو وێش ئاشکراکەرد. پەکەکە هورشێونایۆ وێش ئەرەیاونا و ئەوەکۆشای چەکڎاری و گرڏو ئا هەرمانا کە بەنامێ پەکەکەیۆ ئەنجام دریێنێ دمایشا پنەئاما. کۆنگرەکە گەشمەرڏە بییەو عەلی حەیدەر قەیتانی و ڕەزا ئاڵتوونیش ئەرەیاونا.
پارتو کرێکارا کوردەسانی (پەکەکە) ئەنجامنامەو کۆنگرەو ١٢ـەمینو وێش پەی ڕاو گرڏی وەڵاکەردۆ کە جە ٥-٧ـی ئایاری جە هەرێمەکا پارێزناو مەدیاینە ئەنجامش دا.
ئەنجامنامەو کۊنگرەو ١٢ مینو پەکەکەی پی جۊرەنە:
ئا پڕۊسەی کە ڕابەر عەبدوڵا ئۆجالان بە پەیامو ٢٧ـو شووباتو ٢٠٢٥ دەسشپنەکەردەن، پا ئەوەکۆشایەی کە جە چن لێوە بەردەنش ڕاوە. چێرو ڕۆشنای دیدگاکانە کە بەشێوازی جیاواز پێشکەش کەردەن کۆنگرەو ١٢ـەمینو پارتو پەکەکەیما جە ٥-٧ـی ئایارینە گلێربییەیمێ و بەسەرکەوتەی دمایش ئاما.
کۆنگرەکەما سەرەرەڕاو جەنگە بەردەوامەکاما، هرووژمە بەردەوامەکا ئاسمانی و زەمینەنە، تەوەقەو سەر و مێڏانەکاما و تەوەقەو پەدەکەی جە هەلومەرجی سەختەنە درێژەش بێ و بە شێوێوە سەقامگیر ئەنجام دریا. بەمەڵامەتو ئەمنی کۆنگرەکە بەشێوە هامکاتەنە جە دووێ مێڏانێ جیاوازەنە ئەنجام دریا. بە تەمامەتی بە بەشداری ٢٣٢ نوێنەرا کۆنگرەو ١٢ـەمینو پەکەکەی بە تاوتوێکەردەو بابەتەکا پێسەو ڕابەرایەتی، گەشمەرڏێ، زامڏارێ، بییەو ڕێکوزتەو پەکەکەی و ڕێبازو دمای ئاردەی ئەوەکۆشای چەکداری و بنیادنیاو گلێرگەو دیموکراتیکی پەی تەڤگەرو ئازادییما دەلالەت بێ جە قەرارو تاریخی سەرەتاو قۆناغێوە تازەی
پەکەکە سیاسەتو نکۆڵی و دلێنە بەردەیش ماڕا، پەرسو کوردیش یاونا سەرو ڕاو چارەسەری و دمایش بە ئەرکو تاریخی وێش ئارد.
کۆنگرەو نائاسایی ١٢ـەمینی پەکەکەیش هورسەنگنا ئەوەکۆشای پەکەکەی و سیاسەتەکێ نکۆڵی و دلێنەبەردەیش سەر و گەلەکەیما ماڕا، پەرسەو کوردی بە ڕاو دیموکراتیکی یاونا نوقتێ چارەسەریی، چی هێڵەنە پەکەکە ئەرکی تاریخی وێش یاونا ئامانج. سەرو ئی بنەمێ کۆنگرەو ١٢ـەمینو پەکەکەی، پەی ئانەی پرۆسەو پراکتیکی جەلایەن و ڕابەر ئاپۆیۆ بریۆ ڕاوە و ڕاوەبەردەو قەرارەکا هورشانایۆ ڕێکوزتەو پەکەکەی و دمای ئاردەی ڕێبازو ئەوەکۆشای چەکداری هورگێرتەن و دمایش بە گرڏو ئا خەباتا ئاردەن کە سەرو نامێ پەکەکەیۆ کەردێنێش
پارتو پەکەکەیما؛ جە دژو سیاسەتەکا نکۆڵی و دلێنە بەردەو کوردی کە سەرچەمەکەش جە پەیمانو لۆزانی و دەستووری بنەڕەتی ١٩٢٤ـەی هورگێرتەن، پێسەو تەڤگەرو ئازادی بەرکەوت سەرو شانۆو تارخیۆ. جە کاتو دروسبییەیشەنە کاریگەرییەکا سۆسیالیزمیش سەرۆ بێ، ئا ڕەگەزێشە پەسەن کەردێ کە نەتەوە مافو وێشا و چارەنووسو وێشا دیاری مکەرا، سەرو بنەماو ستراتیژو ئەوەکۆشای چەکداری ئەوەکۆشای ڕەوا و مافداری بەرد ڕاوە. سیاسەتو دلێنەبەردەی کە وابەسەو سیاسەتەکا تاونایۆ و قڕکەردەی بێ. بە ئەوەکۆشای ئازادیی کە جە ساڵەو ١٩٧٨ـیۆ دەسشپنەکەردەن ئی چێوەش کەردە بە بنەماو وێش؛ بییەو گەلی قبوڵ کریۆنە و پەرسەو کوردی پێسەو پەرسەی بنەڕەتی تورکیای هورگێرۆنە.
جەلایەنو گەلەکەیماوە شۆرشو ژیوایماوە جە هەلومەرجو ساڵەکا نەوەیۆ ڕاش ڕووەو وەڵکەوتەی گۆرەیرە کەردۆ و جە سیاسەتەکا سەرککۆماری کۆمارو تورکیای تورگوت ئۆزەلەنە پەرسەو کوردی بەڕاو سیاسی چارەسەر کریۆنە وەڵێ کەوت. ڕابەر ئاپۆ بە ئاگیێربەستەی ١٧ـوئاداری ١٩٩٣ بی وەڵامگۆو ئا لێگەڕینا و پرۆسێوە تازەش دەسپنکەرد. دەرنجامو کاریگەریی سۆسیالیزمی بنیاد نریا، دۆڵەتی قوڵ کە دمایش بە تورک ئۆزالی و تیمەکەیش ئارد، هەزاران دەگێ چۆڵکریێ و سۆچیێ. بە ملیۆنان کوردێ جە شارو باو و باپیرانیشا دەربەدەرێ کریێ، بە دەیان هەزار کەسێ بە ئەشکەنجەدایۆ وسیێ زینان . جە وەراوەرو ئینەی تەڤگەرو ئازادیی جە ڕوانگەو چەنینەی گەشەش کەرد، جەنگو گەریلایی جە کوردەسان و تورکیانە وەڵابییۆ. بە کاریگەریی ئا جەنگەی گەریلا ئەنجامیش دا، گەلوو کوردی ئەرەپڕا. پی جۆرە جەلایەنو هەردووی لایەبیۆ جەنگ بیی بە بژاردێوە سەرەکی. پی مەڵامەتە هەوڵەکێ ڕابەر ئاپۆی بێئەنجام مەنێوە تا ئانەی پەرسەو کوردی بە ڕاو ئاشتییانەی و دیموکراتیکانەی چارەسەر کریۆنە.
پرۆسەکە بە پیلانگێڵی مییاننەتەوەیی ١٥ـو شووباتی ١٩٩٩ فاڕییا پەی قۆناغێوە جیاوازی. چی پرۆسەنە ئامانجێوە گرنگی پیلانگێڵی جەنگو کورد-تورک بێ، کە بە مەڵامەتو هەوڵ و فیداکاریی گۆرەو ڕابەر ئاپۆی ڕاش ونەگیریا. سەرەڕاو ئانەی جە سیستەمو قڕکەردەی و ئەشکەنجەو ئیمرالینە زینان کریابێ، بەردەوام بێ جە پاگیر کەردەی سەرو چارەسەرکەردەو پەرسەو کوردی بە راو ئاشتییانەی و دیموکراتیکانە. ڕابەر ئاپۆ کە پەی ماوەو ٢٧ ساڵان ئینا چێرو گۆشەگیریی تنینە ڕاگیریا، بە ئەوەکۆشایش دژو سیستەمو قڕکەردەی ئیمرالی جواب و پیلانگێڵی مییاننەتەوەییش دانۆ.
ڕابەر ئاپۆ پەیوەندییەکا کورد-تورکی کە بیینێ کێشە، بە ئاماژەدای بە وەڵێ پەیمانو لۆزانی و دەستووری بنەڕەتی ١٩٢٤، یاواینە جە نەتەوەی دیموکراتیکی و وەڵۍ وینای کۆمارو تورکیای دیموکراتیکی کە سەرو بنەماو نیشتیمانی هامبەشی و گەلا کورد-تورکی پێسەو ئەرەمەزیێوە نریۆرە، پێسەو چوارچێوەو چارەسەرکەردەو پەرسەو کوردی قبووڵ مکەرۆ. ئەرەپڕاو کوردی جە تاریخو کۆمارینە، دیالەکتێوە پەیوەندییەکا کورد-تورک جە تاریخو هەزار ساڵە و ئەوەکۆشای ٥٢ ساڵەو ڕابەرایەتی نیشانە مڏۆ کە پەرسەو کوردی تەنیا بە چارەسەرکەردەی سەرو بنەماو وڵاتی هامبەش و هاموڵاتی یەکسان کریۆنە یاۆنە سەرکەوتەی.
جە چوارچێوەو جەنگو جەهانی یەرەمی، پێشئامایەکا ڕوانەو وەرکەوتوو دلێڕاسەی بەناچاری واوەی مچۆراوە پەیوەندییەکا کورد-تورکی سەپنانە
گەلی ئېژاو قارەمانما کە ماوەو ٥٢ ساڵا دژو سیاسەتەکا تاونایۆ و قڕکەردەی، سیاسەتو نکۆڵی و دلېنەبەردەی، بە شەرتەو قیمەت پنەدای بەهای گۊرەی پېوەسۍ ڕاپیماو پەکەکەی و ڕابەرایەتی بیۍ، بە شێوێوە هۆشیارانەتەر و ڕێکوزیاتەر پاڵپەشتی جە پرۆسەو ئاشتی و گلېرگەی دیموکراتیچ مکەرا. تەمام دڵنیێنمۍ جە گەلەکەیما کە قەرارو هۊرشێونایۆ پەکەکەی و دمایی ئارڎەی بە ڕێبازو ئەوەکۊشای چەکڎاری، ئاڎۍ جە گرڎ لایۍ عالتەر مېیاوانە و سەرو بنەماو بنیاڎنیای گلېرگەی دیموکراتی، ئەرکەکاو ئی قۆناغەو ئەوەکۊشای دیموکراتیکی جابەجۍ مکەرمۍ. گەلەکەما بە سەرمەشقایەتی ژەنا و جوانا، جە گرڎو بوارەکانە ڕێکوستەی ۋێشا وەش مکەرا، بە زوانیشا بە ئشناسنامەیشا و بە کەلتوورەکەیشا جە گرڎ بوارەکانە ۋێشا بەڕێکوستەی مکەرا، دژو هرووژمەکا متاوا ۋێشا پارێزنا و بە ڕۆحی سەفەربەرییوە بنیاڎنیای گلېرگەی دیموکراتی و ژیۋای کۆمیناڵ پێک مارانۍ. سەرو ئی بنەمایۍ پەیلوایما چامنەن کە پارتە سیاسییەکاو کوردی، بەتەمەنەکۍ و ڕێکوزیا دیموکراتییەکۍ پەی وەڵێوستەی دیموکراسی کوردی و پێکئاوردەی نەتەوەیی بیەو دیموکراتی کوردی، ۋەرپرسیاری ۋێشا جابەجێ مکەرا.
میراتو تاریخو ئازادییما کە بە ئەوەکۊشای و مڎرامانی ۋېیەردەن، چنی قەرارەکا کۆنگرەو ١٢ـەمو پەکەکەی، بە ڕێبازو سیاسەتو دیموکراتی بەهێزتەر وەڵۍ گنۆ، ئاینڎەو گەلەکاما سەرو بنەماو ئازادیی و یەکسانی وەڵۍ گنۆ. گەلە هەژار و ڕەنجکێشەکېما، گرڎو گرووپە باوەڕداریەکا، ژەنا و جوانا، کرێکارا، دەگانشینا و ئا بەشۍ جە جبەرو دەسەڵاتی مەنێنێوە، چی پرۆسەو ئاشتی و گلېرگەو دیموکراتیکییەینە بە پارېزنای مافەکاشا جە مېڎانێوە دادپەروەر و دیموکراتیکەنە ژیۋای هامبەش وەڵۍ وزا.
قەرارو کۆنگرەیما پەی هۊرشێونایۆ پەکەکەی و دمایی ئارڎەی بە ڕێبازو ئەوەکۊشای چەکڎاری، زەمینێوە هێقم پەی ئاشتی هەمیشەیی و چارەسەری دیموکراتی پێشکەش مکەرۆ. جابەجێکەردەی ئا قەرارا کە باسشا چۆوە مکریۆ پەنەوازش پانەینە ڕابەر ئاپۆ پرۆسەکەی ڕاوەبەر بکەرۆ و ئاراسەش بکەرۆ، دڎان نیای بە مافەکاو سیاسەتو دیموکراتی و گەرەنتی یاسایی دروسی و تەمامی سەپنۆنە. چی قۆناغێنە گرنگا کە پەرلەمانی گۊرەو گەلو تورکیای دەورو ۋێش بە ۋەرپرسیاری تاریخی گێڵنۆ. بانگەواز مکەرمۍ کە بە هەمان شێوە جە سەرەتاوە حکومەت و پارتو سەرەکی ئۆپۆزسیۆنی، ئا پارتە سیاسیۍ کە نوێنەرایەتیشا جە پەرلەمانەنە مکریۆ، ڕێکوزیا مەدەنییەکۍ، گلېرگەی ئاینی و باوەڕییەکا، ئەرەمەرزیا دیموکراتییەکۍ ئەرەیاۋنای، بەتەمەنەکۍ (ڕیش چەرمەکۍ)، ڕۆشنویرا، ئەکادیمیسیا، هونەرمەڼا، سەندیکاکاو کرێکارا، ڕێکوزیاکۍ ژەنا و جوانا، جمېیەرە ژیۋگەپارێزنەکۍ مشۊم ۋەرپرسیاری گېرانە ئەستۆ و بەشدارۍ پرۆسەو ئاشتی و گلېرگەی دیموکراتی بانۍ.
هێزە سۆسیالیست و چەپڕەوەکا تورکیای، پێکئامایە شۆڕشگێڵنییەکا، ڕێکوزیاکا و کەسایەتییەکا بە پەشتیوانی کەردەی جە پرۆسەو ئاشتی و گلېرگەی دیموکراتی، ئەوەکۊشای گەلا، ژەنا و چەوەسیاکا ئاستێوە تازە بەدەس مارا. ئینە، ماناو سەرکۊتەی ئامانجو شۆڕشگێڵنە گۊرەکا مېیاونۆ کە قسۍ دماینەشا "بژیۋۆ برایەتی گەلاو تورکی و کوردی و تورکیای تەمام سەربەخۆی ! بۍ.
جە پرۆسەو ئاشتی و گلېرگەی دیموکراتی و ئەوەکۊشای سۆسیالیزمینە کە سۆسیالیزمو گلېرگەی دیموکراتی نوێنەرایەتی قۆناغێوە تازەی مکەرۆ، بە وەڵێوستەی جمېیەرو دیموکراسی جەهانی، جەهانێوە یەکسان و دادپەروەر بنیاڎ منریۆ. سەرو ئی بنەمایۍ ئێمە داوا مەکەرمۍ کە جە سەرەتاوە ئا دۆسۍ کە سەرمەشقی هەنگامەو ئازادیی جەهانیی مکەرا پەشتیوانی گۊرەتەر جە ڕای گرڎیی دیموکراتی جە چوارچێوەو تیۆری مۆدێرنیتەی دیموکراتینە بکەرا.
هێزە مېیاننەتەوەییەکۍ ۋەرپرسیاری ۋێشا جە سیاسەتو قڕکەردەینە بوینا کە ماوەو سەدێوەن دژو گەلەکەیما ملۊڕاوە، ڕاگیرۍ نەبا جە چارەسەریی دیموکراتیکی و خوڵقەشا مکەرمۍ کە پاڵپەشتێوە بنیاڎنەرو پرۆسەکەی بکەرا.
کۆنگرەو ١٢ـەمینو پەکەکەی کە بە بانگەوازو ڕابەرایەتییما گلېربیۆ، شەهادەتو کادرە سەرمەشقەکا پارتیما "فوئاد-عەلی حەیدەر قەیتان" کە جە ٣ۍ تەمووزو ٢٠١٨ینە و "ڕەزا ئاڵتوون" کە جە ٢٥و ئەیلوولو ٢٠١٩ینە گەشمەرڎۍ بیۍ، ئەرەیاۋنا. سەرو ئی بنەمایۍ یۆ جەکادرە سەرمەشق و ئەرەمەرزنەرو پەکەکەی هەڤاڵ "فوئاد-عەلی حەیدەر قەیتان" پېسە هێماو 'دڵسۆزی پەی ڕابەرایەتی، حەقیقەت و ژیۋای پیرۆزی'؛ یۆ جە هەڤاڵە سەرەتاییەکا ڕابەر ئاپۆی، هەڤاڵ "ڕەزا ئالتوون"یچش پېسە هێماو 'هەڤاڵیەتی ئازادی' پەسینان. کۆنگرەو ١٢ـەمینو تاریخو پارتیما، پێشکەش بە بە ئا دووە گەشمەرڎە گۊرەیە مکەرمۍ کە جە سەرەتاو جمېیەرو ئازادیماوە بەشدارۍ بێنۍ و بە ئەوەکۊشای سەرەمڕەیشا سەرمەشقیشا کەردێنمۍ، جە کەسایەتی ئاڎیشانە قەولو سەرکۊتەیما پەی گرڎو گەشمەرڎا ئەوەکۊشاکەیما واوەی مکەرمېوە، ویستو ۋێما پەی جابەجێکەردەی خیاڵەکا گەشمەرڎەو ئاشتی و دیموکراسی سری سورەیا ئۆندەری بەربڕمۍ.
سۆسیالیزمو نەتەوەیی دۊڵەتداری شکس مارۆ؛ سۆسیالیزمو گلېرگەی دیموکراتیکی سەرکۊتەی بەدەس مارۆ!
پاگیری جە مرۆڤایەتینە پاگیرین جە سۆسیالیزمەنە!
بژیۋۆ سەرۆک ئاپۆ!
١٢ـو ئایارو ٢٠٢٥
دیوانو کۆنگرەو ١٢ـەمینو پەکەکەی"
