سەرۆکو یەنەکەی بافڵ تاڵەبانی جە ۋەننگەو رەوەشینە جە سلێمانی دەنگشدا.

دماو دەنگدای سەرۆکو یەنەکەی، بافڵ تاڵەبانی ئەرەیاۋناش، "دمایی پی دەسەڵاتە ۋێسەپنەیە مارمۍ." هەر جە قسەکاشەنە بافڵ تاڵەبانی سپاسو پەشتیوانییەکەو فەرماندەو هێزەکا سوریای دیموکراتیکی (قەسەدە)ی مەزڵوم عەبدیش کەرد.

13:04

نوێنەرو نەتەوەیۆگێرتەکا چەمڎاری هۆرچنیەی مکەرۆ

نوێنەرو تایبەتی نەتەوەیۆگێرتەکا جە عێراق و سەرۆکو یونامی د.محەمەد ئەلحەسەن ئارۆ هەولێرەنە سەردای بنکێوە دەنگدایش کەرد و داواش جە هاموڵاتیا کەرد بەشداری دەنگدای بکەرا.

بە پاو وەڵاکریاوێوە هەژمارو یونامی جە پەلیانەو ئیکسینە، ئەلحەسەن واتش: "ڕوێوە گرنگا پەی هەرێمو کورڎەسانی، ڕوێوە عالا پەی دیموکراسی، ڕێوەنە بەرەو وەڵێکۆتەی".

10:12

• هەڤاڵ ئەبوبەکر، پارێزگارو سلێمانی دماو دەنگدای ئەرەیاۋناش، داوا مکەرو هاموڵاتییا زوو بلا بەشداریی جە پرۆسەو دەنگداینە بكەرا، ماچۆ: کۆمسیۆن بە هیچ جۆرۍ واڎەکەى درێژ نمەکەرۆوە و سەعات ٠٦:٠٠و وێرەگای پرۆسەکە دمایش پنە مۍ
• بافڵ تاڵەبانی سەرۆکو یەنەکەی جە ۋەننگەو ڕەوشەن بەدرخانینە جە سلێمانی دەنگش دا و دماو دەنگدای ئەرەیاۋناش، " سپاسو پەشتیوانی مەزڵوم عەبدی مکەرو، واتیچش دمایی بە دەسەڵاتی ۋۍ سەپنی مارمۍ،هاموڵاتیا کورڎەسانی بەیدۍ دەنگ دەیدۍ..

10:52

لەتیف ڕەشید، سەرۆککۆمارو عێراقی جە بەغڎانە بەشداریش جە پرۆسەو هۆرچنیەینە کەرد و ئەرەیاۋناش، هیواڎارەنا پرۆسەکە بە سەرکۆتەیی بلۆڕاوە و مبارەکبایی جە براوەکا مکەرو

10:56

حاکم عومەر، سەرۆکو کۆمسیۆنو باڵاو سەربەخۆو هۆرچنیەکا عێراقی ئەرەیاۋناش، دماو وستەیرەو سنووقەکا سەعات ٠٦:٠٠و وێرەگای هەوڵ مڎەیمۍ وەڵۍ ٢٤ سەعاتانە دەرەنجامەکا ئاشکرا بکەرمۍ، سەبارەت بە دەنگدای تایبەتیچ ماچۆ: هیچ گرفتێوە ئەوتۆ نەبیەن کە قردێلەی سوور بڎریۆ جە سنوقەکا دەنگدای.

11:01

بە پاو چن دیمەن و ڤیدیۆیۍ پەدەکە جە تورکیاوە خەڵکش بە مەبەسو ساختەکاریی و دەنگدای ئارڎەن پەی پانیشتوو کورڎەسانی.

11:04

بەپێچەوانەو رانماییەکا کۆمیسیۆنو باڵاو سەربەخۆو هۆرچنیەکا عێراقی، پەدەکە ۋەردەمو بەشێوە فرە جە بنکەکا دەنگداینە جە هەولێر و دهۆکەنە بەردەواما جە بانگشەو هۆرچنیەی و بەخشایۆ کارتو کاندیدەکا سەرو دەنگدەرارە.

12:55

سەرۆکو ئەنجوومەنو پارێزناو بەرژەوەندییە باڵاكاو یەنەکەی جەعفەر شێخ مستەفا، بەشداریش جە هۆرچنیەو خولو ششەمو پەرلەمانو هەرێمو کوردەسانینە کەرد، چنی ئانەیچ داواش جە هاموڵاتییا کەرد بەشداری هۆرچنیەی بکەراو ئەرەیاۋناش، پېسە یەنەکەی دژو گرڎ پاشێلکاریێوەنۍ جە هۆرچنیەینە.

13:00

شاناز ئیبراهیم ئەحمەدە: بۆنەو مافی و ئاینڎەینە بەشداری جە هۆرچنیەینە بکەردۍ

ئەندامو مەکتەب سیاسی یەنەکەی و هامسەرەو سەرۆککۆمارو عێراقی، شاناز ئیبراهیم ئەحمەدە جە کاتو بەشداری جە دەنگداینە واتش، "پەی بەدەسئارڎەی مافی و مسۆگەرکەردەی ئاینڎەی، مشۆم گرڎ کەسۍ بەشداری جە هۆرچنیەینە بکەرۆ".

18:16

دەنگدای گرڎی پەی هۊرچنیەو خولو ششەمو پەرلەمانو کورڎەسانی دمایش پنە ئاما و بنکەکۍ دەنگدای وزیێرە.

18:13

 

14:36

مەسروور بارزانی، یاگەگیری دووەمو سەرۆکو پەدەکەی کە سەرۆکایەتی کابینەو نۆیەمی کەرۍ و ۋەرپەرسی یوەمو خراپی خزمەتگوزاری و بژێوی هاموڵاتیان و پارتەکەیچش هامکار و داردەسو سوپاو تورکین جە ئەرەگیرکەرڎەو پانیشتوو کورڎەسانینە و پەی مەنەیۆ ۋێشا گەمە بە چارەنوویسو گەلوو پانیشتوو کورڎةسانیوە مکەرا، دماو ئانەی جە بنکەی تایبەتەنە دەنگش دا و داواش کەرڎە، هاموڵاتییا سزاو ئانیشا بڎا کە گەمە بە چارەنووسیشاوە مکەرا.

14:41

پرۆسەو دەنگدای گرڎییی جە پانیشتوو کورڎەسانینە بەردەواما

پرۆسەو دەنگدای گرڎیی پەی هۆرچنیەو خولو ششەمو پەرلەمانو هەرێمو کورڎەسانی بەردەواما و تا سەعات ١٨:٠٠ دەنگدەرا متاوا مافو دەنگدایشا بەکاربارا و پەدەکەیچ پېسە هۆرچنیەکا وەڵتەری بەردەواما جە گزی و ساختەکاری.

جومانە غەلای، واتەواچەو کۆمسیۆنو باڵاو سەربەخۆو هۆرچنیەکا عێڕاقی ئەرەیاۋناش، پڕۆسەو هۆرچنیەو پەرلەمانو هەرێمی فرە بە عالی ملۆڕاوە و تا ئیساتۍ هیچ کێشە و گرفتێوە ڕووەش نەڎان، واتیچش: جە ئەوەڵ ڕۆو بانگەشەیۆ تا ئارۆ ٥٥ شەکوۍ تۆمارۍ کریێنۍ.

14:45

بەپاو زانیارییەکا تا سەعات ١٢:٠٠ رێژەو بەشداری جە دەنگدای گرڎینە سەڎەنە ٣٠ بیەن و ئا رێژە جە ناوچە جیاجیاکانە جیاوازا، پەی نمونەی جە گەرمیانەنە رێژەکە سەڎەنە ٣٩ و سلێمانینە نزیکەو سەڎەنە ٢٠ بیەن و هەڵەبجەیچەنە نزیکەو سەڎەنە ٣٤.  تا سەعات ١١:٠٠ رێژەو بەشداری جە دهۆکەنە سەڎەنە ١٤ بیەن، کۆیەیچەنە رێژەکە تا سەعات ١٢:٠٠ یاوان سەڎەنە ٢٣.

14:46

کلۆدیۆ کۆردۆن یاگەگیرو نوێنەرو سکرتێرو نەتەوەیۆگێرتەکا پەی کاروباری سیاسیی و هامکاریی هۆرچنیەی یاوا سلێمانی و قەرارا بە مەبەسو چەمڎاری کەردەی پرۆسەکەی سەردای چن بنکێوە دەنگدای بکەرۆ.

17:47

پرۆسەو دەنگدای گرڎیی جە پانیشتوو کورڎەسانینە بەردەواما

پرۆسەو دەنگدای گرڎیی پەی هۆرچنیەو خولو ششەمو پەرلەمانو هەرێمو کورڎەسانی بەردەواما و تا سەعات ١٨:٠٠ دەنگدەرۍ متاوا مافو دەنگدایشا بەکاربارا و پەدەکەیچ پېسە هۆرچنیەکا وەڵینی بەردەواما جە گزی و ساختەکاری.

17:52

هەرچنە تا سەعات ١٢:٠٠ رێژەو بەشداری جە دەنگدای گرڎیی پەرلەمانو هەرێمو کورڎەسانینە سەڎەنە ٣١ بۍ، بەڵام جە دمانیمەڕۆوە ژمارێوە فرەتەرو هاموڵاتیا رووەشا جە بنکەکاو دەنگدای کەرڎەن و جە ئیساتێنە مقارنە بە وەڵۍ نیمەڕۆی قەرەباڵغی بە بەشێوە فرەو بنکەکاوە موینیۆ.

17:56

پاشێلکاری و ساختەکارییەکۍ پەدەکەی بەردەوامێنۍ و جە چڼین بنکانە جە دهۆک و هەولێر هێزە ئەمنییەکۍ لوێنۍ دلۍ بنکەکاو دەنگدای و هەڕەشۍ و تنوتیژیشا ۋەرا ۋەر بە چەمڎاراو لایەنەکا تەری ئەنجامدان، هەرپاسە وەڵاکەردەیۆ کارتو کاندیدەکا پەدەکەیچ بەردەواما.

جە لێوەتەرۆ بەپاو چن سەرچەمێوە جە بەشێوە جە بنکەکا دەنگداینە جە شەقڵاوە دەنگدەراو پەدەکەی نەک بە کارتو دەنگدای بەڵکم تەنیا بە نیشاندای شناسنامە و پێناسو باری شارسانی دەنگ مڎا.

18:11

دەنگداو ۋەرپەرسا بنەیانەو بارزانی جە شۆنەمای تایبەت و VIP ینە ۋێجیاکەردەیشاوە جە هاموڵاتیا بیەن بە مایۍ رەخنەی جە جاڎەی کوردی، جە کاتو بانگەشەینە و تەنانەت رۆو دەنگدایچەنە داواو دەنگی جە گەلی مکەرا، بەڵام ئامادێنیەنۍ هامشان و هامشێوەو هاموڵاتیا جە بنکە ئاساییەکا دەنگداینە بەشداری جە دەنگدای بکەرا.

13:07

سەعدی ئەحمەد پیرە، واتەواچو یەنەکەی دماو بەشدارییکەردەیش جە پرۆسەو دەنگداینە ئەرەیاۋناش، هۆرچنیەی پرۆسێوە هەستیار و گرنگا، هەرپۊکەی داواكارەنا تەمامو هاموڵاتییا بلا دەنگو ۋێشا بڎا و کاندیدو ۋێشا دیاریی بکەرا، ماچۆ: ئی وڵاتە موڵکو گرڎو لایەنەکان و پەنەوازا گرڎ خزمەتش بکەرا.

سەعات ٧و سەرسەعبو ئارۆی پرۆسەو دەنگدای گرڎی پەی هۆرچنیەو ششەم خولو پەرلەمانو هەرێمو کورڎەسانی دەسشپنەکەرڎ.، کە چنەشەنە ٢  ملیۆنۍ و ٦٨٣ هەزار کەسۍ مافو دەنگدایشا هەن.

پرۆسەکە جە هەزار و ١٢٦٦ بنکا و جە چوار بازنا هەولێر، سلێمانی، دهۆکی و هەڵەبجەی ملۆڕاوە.

بەهەمان شێوە جە کەلارو مېیانو ئیدارەو گەرمیانیچنە پەیامنێرما ئەرەیاۋناش، پرۆسەکە چا ناوچەنە دەسشپنەکەرڎەن و جە ٢٧ بنکانە هاموڵاتیا ملانە سەرو سنووقەکا دەنگدای.

باسش چانەیچ کەرڎ، ٥٢ هەزارۍ و ٧٤٦ کەسۍ جە کەلارەنە مافو دەنگدایشا هەن و تا ئیساتۍ پرۆسەکە بە شێوێوە عال ملۆڕاوە و چەمڎارا و نوێنەرا لیست و لایەنە سیاسیەکا چەمڎاری دەنگدانەکەی مکەرا.

رۆو جومعەی پرۆسەو دەنگدای تایبەتی لواڕاوە کە زیاتەر جە ٢١٥ هەزار کەسا مافو دەنگدایشا بۍ.