ئەنجوومەنی گەنجانی پارتی یەکسانی و دیموکراسی گەلان (دەم پارتی) پێشەنگایەتی ڕێپێوانەکە دەکات.

بەبۆنەی٤ی نیسان ٧٦هەمین ساڵڕۆژی لەدایکبوونی ڕێبەر ئاپۆ، گەنجان لە ئامەدەوە بەرەو گوندی ئامارا لە ناوچەی خەلفەتی رحا ڕێپێوان دەکەن.

ڕێپێوانەکە بە درووشمی 'بە کۆمەڵگەی دیموکراتیک بەرەوە ئازادی هەنگاو دەنێین' دەستی پێکرد و لە ئێستادا گەیشتوونەتە ناوچەی جۆرنێ ڕەش.

چالاکوانان ئێوارەی ڕۆژی سێشەممە ١ی نیسان گەیشتنە ناوچەی سێوەرەگ و شەو لەوێ مانانەوە و سەرلەبەیانی سەردانی گۆڕستانەکانیان کرد.

هەر لە درێژەی سەردانییەکانیاندا گەنجان هاوشان بە پەڕلەمانتاری دەم پارتی زەکی ئرمەز و ئۆنور دوشونمەز سەردانی گۆڕستانی بێکەسانیان کرد.

پاشان گەنجان سەردانی گۆڕی مەحموود زەنگینیان کرد کە لە ١٨ی ئایاری ١٩٨٢لە زیندانی ئامەد لەگەڵ فەرهاد کورتای، نەجمی ئۆنەر، ئەشرەف ئانیک لە چالاکییەکدا شەهید بوون.

لەسەردانەکەدا موحسین ئایدۆغدو بە ناوی ئەنجومەنی گەنجانی دەم پارتی قسەی کرد و وتی: "گەنجانی وڵاتپارێز رێبازی ئەو هەڤاڵانە درێژە پێدەدەن."

دواتر گەنجان دەستیان بە ڕێپێوان کرد و درووشمی "گەنجان فیدایی رێبەر ئاپۆن"، "ژن، ژیان، ئازادی"، ئازای بۆ ڕێبەر ئاپۆ" و "لەدایک بوونت پیرۆز بێت، ڕێبەر ئاپۆ"یان وتەوە.

گەنجان دواتر لە دەرەوەی ناوچەکە بە ئۆتۆمبێل بەرەو جورنێ ڕەش بەڕێکەوتن. گەنجان لەگەڵ گەیشتنیان بە جورنێ ڕەش ڕێپێوانی خۆیان دەستپێکرد.