ڕێپێوانکارانی ڕێپێوانی ئامارا، کە بۆ پیرۆزکردنی ٧٦ـەمین ساڵڕۆژی لە دایکبوونی ڕێبەر ئاپۆ بەرەوو ناوچەیی خەلفەتی ڕحا دەچوون، لەگەڵ گەشتنیان بە خەلفەتی لە لایەن جەندرمەی تورکەوە ڕێگری لە ڕێپێوانەکەیان کرا.

جەندرمە بە نزیکبوونەوەی چالاکوانانی ڕێپێوانەکە لە دەروازەی خەلفەتی بەربەستیان دانا و ڕێگرییان لە ڕێپێوانکارانی ئامارا کرد بچنە ناو خەلفەتییەوە.

جەماوەری ڕێپێوانەکە کە گەنجان پێشەنگایەتی دەکات، لە ١ی نیسانەوە لە ئامادەوە بەرەو ئامارا ڕێپێوانی ئازادییان دەستپێکردووە، لە دژی بەربەست و ڕێگرییەکانی جەندرمە چەندین کاتژمێر بە گووتنەوەیی درووشم و بە گێڕانی ئاهەنگ وەستانەوە.

بە هەزاران کەس لە دیلۆک، بۆتان و ڕحا لە دژی بەربەستدانانەکانی جەندرمە بەهانایی ڕێپێوان کارانەوە هاتن و ڕێپێوانیان دەست پێکرد. لەگەڵ بەفراوان بوونی ڕێپێوانەکەدا گەنجان بە گووتنەوەی درووشمی "بژی ڕێبەر ئاپۆ" لە دژی هێرشەکانی جەندرمە وەستانەوە.

هەڵوێستی ئیرادە نیشاندانی گەلی هەرێمەکە لە دژی جەندرمە بەردەوامە و چەندین کەس بە هۆکاری بەرکەووتنی گازی فرمێسک ڕێژەوە بێهۆش بوون.