حەریۊ جە ڕەزان ساریجا، ڕازیه ئۆزتوركە، فایەق ئۆزگور ئەرۆڵ، مەزڵوم دینچ، جە پارێزنەرا نویسینگەی یاسایی سەڎەی، پۍ ئانەی بتاوا دیڎار چنی ڕابەروو گەلوو کوردی، عەبدوڵا ئۆجالانی ئەنجام بڎا، کە ماوەو نزیک بە ٣ ساڵان حیچ زانیاریېوە جە بارەشۊ وەردەس نییا، داواکاریی تازەشا پێشکەش کەرڎ.

پارێزنەرا پۍ ئانەی بتاوا چەمشا بە موەكیلەكاشا عەبدوڵا ئۆجالان، عومەر خەیری کۆنار، حامیلی یڵدرم، وەیسی ئاکتاشی گنۊ، سەردای داواكاری گرڎی كۆماری بورسای و ڕاوەبەری زینڎانی ئیمراڵی-شا کەرڎ.

جە ٢٥و ئاداروو ٢٠٢١یوە حیچ زانیاریۍ سەروو ڕابەروو گەلوو کوردی، عەبدوڵا ئۆجالانی وەردەس نییا، ئینەیچ جە وەختېنە کە پارێزنەرەکۍ حەفتۍ دووۍ کەڕەتۍ داواکاری پێشکەش کەرا، بەڵام جواب و داواکارییەکەیشا مەڎریۊوە.

حەرپاسە جە ماوەو ١٢ ساڵا ۋیەرڎەینە پاڕێزنەرەکۍ تەنیا ٥ کەڕەتۍ ڕاشا پنەدریېنە دیڎار چنی ڕابەروو گەلوو کوردی، عەبدوڵا ئۆجالانی ئەنجام بڎا، کە دمایین دیڎاریچ جە ڕۊو ٧و ئابوو ٢٠١٩ ی ئەنجامدریان.