پەیامو ڕابەر ئاپۆی پەی ژەنا جە٨و ئادارینە ونریۆوە
ئەندامەو شاندو ئیمرالی دەم پارتی، پەروین بوڵدانە، ئەرەیاۋناش کە پەیامو ڕابەر ئاپۆی پەی ژەنا جە گلېرۊبیەکا ٨و ئادارینە ونریۆوە.
پەیامو ڕابەر ئاپۆی بۆنەو ٨و ئاداریۆ
ڕابەر ئاپۆ بۆنەو ٨و ئاداریوە ڕۆو جەهانی ژەنا ٤ گوڵە نێرگسێش بە سەوقاتی پەی ژەنا کیاستێنۍ.
پەروین بوڵدانە جە چەمپنەکۊتەکەیشەنە چنی ژن نیوزی باسش چانەی کەرڎ کە پەیامێوەش جە ڕابەر ئاپۆیۆ بۆنەو ٨و ئاداریوە هەن.
سەبارەت بە پەیامو ڕابەر ئاپۆی پەی ژەنا واتش: "جە گرڎو گلېرۊبیەکانە بە تایبەت جە دمایین گلېرۊبیەینە ئېژا ئۆجالان جەختش سەرو پرسو ژەنا کەردۆ، گلېرۆبیەی یووەم جە کاتێنە بۍ کە دۆسیەو کوشتەی نارینۍ جە دمایی پنەئامای ئەنجامەکاشەنە بۍ، فرە بەداخ بۍ، واتش، 'تاوانۍ فرۍ دژو ژەنا مکریا،کوشتەی ژەنا فرە بیەن فرە خەمباربیا پی کوشتاریە' ئاماژەش پا پەیاما دا کە چی گلېرۆبیەینە سەبارەت بە ژەنا، پېسە پەیامو ٨و ئاداری ئەرەیاۋنانش و واتش، ئێمە ئاماڎەکاریی پەی ئا پەیاما مکەرمۍ و ئی پەیامە پەی ژەنا جە ٨و ئادارینە جە گرڎ بوارەکانە ونریۆوە. ئېژا ئۆجالان پەرساش،"پیا چنی متاوۆ ئا ژەنۍ کوشۆ کە ئاڼنە وەشش مسیۆ؟ من نمەتاووو چینەی بیاوونە." ئاماژەش پانەیچکەرڎ که پەی ڕاگێرتەی جە کوشتەی ژەنا و زاوڵا پەنەوازا وەرنگارۍ ئا ئاوەزیەتەیە باوە و ئەوەکۊشای بەرز بکریۆوە. ئېژا ئۆجالان ئەرەیاۋناش، مشۊم پەیامو ٨و ئاداری کە بۆ بە خاڵەو هۊرچەرخنای و ڕێنسانسی پەی ژەنا، چنی ژەنا جە مېڎانەکانە هامبەش بکریا."
