هامسەرۆکایەتی کۆنسەو ڕاوەبەری کەجەکەی ئەرەیاوناش؛ سری سورەیا ئۆندەر تاواش ئەوەکۆشای هەر دووی گەلاش یاونا یەکتر ی ئەرەیاوناش حەقترین ڕا پەی بەرزڕاگێرتە و یاڏش، بەهێزکەردە و ئەوەکۆشای ئاشتی و دیموکراسیا.
هامسەرۆکایەتی کۆنسەو ڕاوەبەری کەجەکەی سەبارەت بە مەردە و سری سورەیا ئۆندەری ئەندامو شاندو ئیمرالی پەیامێوە سەرەوەشیش وەڵاکەردۆ.
کەجەکە پەیامەکەشەنە ئەرەیاوناش کە حەقترین ڕا پەی بەرز ڕاگێرتەو یاڏو ئۆندەری، بەهێزکەردە و بەردەی وەڵێ ئەوەکۆشاین پەی دیموکراسی و ئاشتی و واتش: "سەرو بنەماو ڕێزگێرتەی پەی ئێژای و بەرزڕاگێرتەو ئامانجەکاش، درێژە بە هەوڵەکاش مڏەیمێ. داوا جە گرڏ لایێ مکەرمێنە جا یاگێنە کە وازش چنە ئاردە بێ، بە وەفاداری بە یاڏ و سری سورەیا ئۆندەری ئەوەکۆشای دیموکراسی و ئاشتی جە ئەستۆ گێرانە و هەوڵ و ئەوەکۆشای زیاتەر بکەرا پەی بە ئەنجام یاونا و ئی ئەوەکۆشایە."
دەقو پەیامەکەو کەجەکەی پی جۆرەنە: "بەداخێوە فرۆ شنیما کە ئێژا سری سورەیا ئۆندەر، دماو ئانەی ماوەو ١٨ڕوا چێرو چەمدێری چڕینە خەسەخانەنە بەمەڵامەتو سەکتەو دڵیۆ چارەسەر هورگێرێ، گیانش جەدەسدا. حەر چنە دکتۆرەکێ بارودۆخش فرە گرژ و ناجێگیر ئەرەیاونا، بەڵام پێسەو گرڏ کەسێ، ئێمەچ چا باوەڕێنە بێنمێ و چەمەڕاو ئانەی کەرێنمێ کە سری سورەیا ئۆندەری قارەمان بەسەرکۆتەی ئی دۆخەیە ویەرنۆنە. داخەم مەشۆ، پاسە بەرنەشی. ڕۆلە و بەقیمەت و گەلەکەیما کە تورکا چاوەڕوانییەکی زۆری لێ هەبوو و بە هەوڵەکانی بەشدارییەکی گرنگی لە تێکۆشانی ئازادی و دیموکراسی و ئاشتیدا کردبوو، داخەم مەشۆ گیانش جە دەسدا. ئەرەیاونمێش کە جەدەسدای کۆششکارێ پاسە بەقیمەتما ئێمەی بەڕاسی خەمگینمێ. با بۆنۆ سەرەتا پەرسە و سەرەوەشی وێما ئاراسەو بنەیانە و قارەمانیما، دۆساش، هامکارێش و گلێرگەی هونەری، سینەما و دەم پارتی و گەلەکەیما مکەرمێنە و بەڕێزدارییۆ یاڏش بەرزش ڕاگێرمێنە.
شەهیدو ئاشتی و دیموکراسییا
سری سورەیا ئۆندەر کاتو ئەوەکۆشای پەی ئاشتی و دیموکراسی نەوەش کەوت و داخەم مەشۆ ژیوایش جەدەسدا. پۆکەی گەشمەرڏە و ئاشتی و دیموکراسیا. هەرپاسە سری سورەیا ئۆندەر کەسایەتیێ گۆرەو ئەوەکۆشای بێ و. سۆسیالیست و، شۆڕشگێڵ و وڵاتپارێز بێ. ژیوای وێش بە ئەوەکۆشای پەی سۆسیالیزمی، دیموکراسی و ئازادی تەرخان ژەرد. با بۆنۆ رەنجێوە فرەشدا. گرنگترین تایبەتمەندی ئاڏی ئانە بێ کە؛ کاتێ کە سەرمەشقێوە گرنگو ئەوەکۆشای سۆسیالیزمی و جمیەرەو سۆسیالیستی بێ تورکیانە، لێوەتەرۆ جە ڕاو پەشتیوانیەکاشۆ چنی گەلوو کوردی ئەوەکۆشاینە بێ. ژیوایشەنە پەی دووێ گەلا ئەوەکۆشایش کەرد. ڕاو کەسایەتی و هەرمانە هونەرییەکاشۆ بەشداریێ گۆرەش جە گەشەپنەدای کۆمەڵایەتی کەردەن. هەرپاسە ڕاو هونەرەکەیشۆ
ڕێبازو ماهێرەکا و یڵماز گونایەکا بە شێوێوە شایستە نوێنەرایەتی کەرێ
سری سورەیا ئۆندەری قارەمان کە تایبەتمەندیێ ئەرێنیێش بێنێ نمەتاومێنە بە زوان باسشا سەر کریۆنە، جە ڕاو ژیوای و، هونەر و ئەوەکۆشای وێش پەی سۆسیالیزمی و دیموکراسی بە شێوێوە شایستە نوێنەرایەتی جە ڕێبازو ماهێرەکا، دەنیز، ئیبراهیم و یڵماز گونایەکا کەرێ و یۆ بێ چا کۆششکارە گرنگا کە ئی سیاسەتەشە یاونا ئی ڕووە و ئارۆی. ئێمە بە ڕێزدارییۆ یاڏش بەرز مدرنمێ و جارێوە تەر سەرو ڕێزیش پەی منامنمێرە. جە مانگە و ئایاری مانگە و گەشمەرڏانە گەشمەرڏەبی. پی بۆنۆ، جە کەسایەتی ئاڏنە بە ڕێزداری و پنەزانایۆ یاڏو گرڏو گەشمەرڏا مانگە و ئایاری و گرڏ و گەشمەرڏا شۆڕشی و دیموکراسی یاڏ وسمێ.
ئازایانە، کاریگەرانە و بە زەریفی ڕاسی کۆمەڵایەتی نیشان دێ و ئا دۆخەی کە بێ وسێش چێرو پرسیارێ و سەرەنجی قووڵۆ.
پەی ڕێزگێرتەی جە یاڏ و ئێژای، درێژە بە ئەوەکۆشای پەی ئاشتی و دیموکراسی دەیمێ
ئێژا سری سورەیا ئۆندەر هەوڵ و ئەوەکۆشایێ فرە گرنگش دا پەی ئاشتی و سەرمەشقایەتیش کەرێ. گرڏ چەمەڕای فرەش پێ چنەش، بەڵام ئا هەوڵێ تا ئیسە بە ئەنجامش یاونێبێنێ، فرە گۆرێ بێنێ و ئاڏ چنی هامکارەکا تەرێش جە یاونا هەوڵەکا ئاشتی پەی ئاستێوە بەرزتر سەرکۆتێ بێنێ. ئەر چی بە خەمگینیێ فرۆ جەدەسدایش ئەزموون مکەرمێنە، بەڵام خاسترین ڕا پەی ڕێزگێرتەی جە یاڏش، پەرەپنەدای و بەدیئاردە و ئەوەکۆشایشا پەی ئاشتی و دیموکراسیی کە ئاڏ سەرمەشقایەتیش کەرێ. ئێمە جارێوە تەر ئەرەیاونمێنەش درێژە بە هەوڵ و ئەوەکۆشایش مڏەیمێ. پا بۆنۆ داوا جە گرڏ لایێ مکەرمێنە جا یاگێنە کە ئێژا سری سورەیا نەتاوانش هەرمانەکاش بە ئەنجام یاونۆنە، پێسە و ڕێزێ پەی یاڏش بەقیمەتو ئەوەکۆشایش پەی ئاشتی و دیموکراسی جە ئەستۆ گێرانە و هەوڵەکێشا پەی بەدیئاردە و ئامانجەکاش فراوانتەر بکەرا."
