سەرۆکو گرڎیی پارتو ئیسلامیی کوردەسانی (پیک) حیکمەت سەربڵند بۊنەو جەژنەو ڕەمەزانیوە پەیامێوەش وەڵاکەرڎۆ و واتش: "هیواڎارێنمۍ جەژنەو ڕەمەزانی بۆ بە مایۍ دادپەروەری و یەکسانی و ئاشتی و واڵەو_برایەتی و ئارامی".
سەرۆکو گرڎیی پارتو ئیسلامیی کوردەسانی (پیک) حیکمەت سەربڵند ئەرەیاۋناش جەژنەو ڕەمەزانی پەی وەڵابیەیۆ دادپەروەری و بەزەیی سەرو زەمینی مەراسیمێوە گرنگا.
جەژنەو ڕەمەزانی جە گەلوو کوردی و گرڎو گەلا ئیسلامی پیرۆزە کەردە، هیواڎارا ئاشتی و ئازادی سەرو زەمینیۆ وەڵابۆوە.
حیکمەت سەربڵند ئاماژە پانەی مکەرۆ خوڎای گۊرە جە مانگۊو ڕەمەزانینە پەی ڕزگارکەردەی مرۆڤایەتی جە کۆیلایەتی و ستەمکاری و دیکتاتۆرییەتی قورئانی مبارەکش وەزنانەرە، کەچی چی مانگېنە هرووژمەکۍ دۊڵەتو تورکی پەی سەرو ۋەرنیشت و پانیشتوو کوردەسانی بەردەوامێنۍ، ماچۆ: "ستەمکارا ناستشا ئی ڕەمەزانە بە ڕۆحێوە گەرم و ئاشتییانە بوېیەرۆ. بۊمبواران و سیاسەتی ئەرەگیری بەردەوام مکەرا. چی ڕووە مبارەکەنە هیواڎارێنمۍ خوڎا گەلو کوردی جە ستەمو ئەرەگیرا پارېزنۆ".
جە دماینە ماچۆ: "جە خوڎای گۊرەی داواکارێنمۍ جەژنەو ڕەمەزانی بۆ بە مایۍ واڵەو_برایەتی و یۊبیەی نەتەوەیی پەی گەلوو کوردی. هیواڎارێنمۍ جەژنەو ڕەمەزانی بۆ بە مایۍ دادپەروەری و یەکسانی و ئاشتی و واڵەو_برایەتی و ئارامی. پی ئاوەزۆ جەژنەو ڕەمەزانی جە گەلوو کوردی و جەهانی ئیسلامی پیرۆزە مکەرو".
