چارەسەرو یاگەگیرو سەرۆکو پەرلەمانی جە پشکو پارتو یەکسانی و دیموکراسیی گەلا (دەم پارتی) و ئەندامو شاندو ئیمراڵی، سری سورەیا ئۆندەر جە خەسەخانەو فلۆرەنس نایتنگەیلی جە شیشلی ١٢هەمین ڕۊنە بەردەواما. سەرۋنەدایەکۍ پەی لاو سیری سورەیا ئۆندەری کە ژیۋایش ئینا مەترسینە، بەردەوامێنۍ.

سەردانیکەرا جە لایەنو بنەیانەو ئۆندەری و ئەندامۊو شاندو ئیمراڵی دەم پارتی پەروین بوڵدانۍ و سەرۆکۊو فراکسیۆنو دەم پارتی گوڵستان کیلیچ کۆچیگیتە و پەرلەمانتاراو دەم پارتییوە پێشوازیشا ۋنە کریا.

سەرۆکو ئامەدسپۆری بورچ بەیسال، یاگەگیرو سەرۆک فازڵ ئۆگورلوی و سەلمان ئەرگون ، ڕاوەبەرا یانەکەی و سەرۆکی وەڵینو ئامەدسپۆری سەڵاحەدین یەڵدرم، چڼین کەسۍ تەرۍ سەرشا ۋنە دا. سەرۆکو ئامەدسپۆری بورچ بەیسال ئا فانیلەی کە نامۍ سری سورەیا ئۆندەریش سەرۆ نویسیا بۍ، بەخشاش بە عەلی براو ئۆندەری.

پەرلەمانتارو جەهەپەی ئامەد سەزگین تانریکولی و سەرۆک شارەوانی بیۆغلو ئینان گونەی، ئیبراهیم تاتڵیساس، براو هونەرمەڼ شاکیرۆ تەوفیق دەنیزیشی سەرشا ۋنەو ئۆندەری دا.

قەرارا سەبای دکتۆرەکۍ ئۆندەری، دەربارەو ئاژەو تەندرووسی ئۆندەری کۆنگرێوە ڕۆنامەنوویسی بینانە