سەردارو گرڎیی ئاکەپەی دماو بینای کۆنگرەو ١٢ـەمینو پەکەکەی کە جە ٥-٧و ئایارینە جە هەریمەکاو پارېزنای مەدیاینە بە سەرکۊتەیی ئەنجامش دا، قسۍ یووەمەو ۋێش کەرڎە و واتش: "پېوەرە سەرو بنەماو دیموکراسی ئایندەو تورکیای بنیاڎ منیەیمۍ."
دماو ئانەی پەکەکە جە ٩و ئایارینە بە وەڵاکەرڎەیۆ ئەرەیاۋنێوە پەی ڕای گرڎینی بینای کۆنگرەو ١٢ـەمینو ۋێش ئەرەیاۋنا و چنەشەنە ئاماژەش پانەی دا کۆنگرەو ١٢ـەمینو پەکەکەی کە جە ٥-٧و ئایارینە جە هەریمەکاو پارېزنای مەدیاینە بە سەرکۊتەیی ئەنجامدریا. ئەنجامدای کۆنگرەکەی سەرو ئاستو هەرێمی و جەهانی کاروەدایش چنە کۊتۆ و بە هەنگامېوە کاریگەرە پەی بنیاڎنیای ئاشتی و گلېرگەی دیموکراتیکی پێناسەکریا.
جە چوارچێوەو کاروەدایەکانە سەردارو گرڎیی ئاکەپەی ڕەجەب تەیب ئەردۆغان قسۍ یووەمەو ۋێش کەرڎە.
ئەردۆغان جە قسەکاشەنە ئاماژەش پانەی دا کە ڕا پا گەما نمەڎا کە ئینۍ کۊششو ئانبەینە هەرێمەکەی پەلکێشو ۋنمتەی، قەیران، نائارامی و هەڵس متەی مکەرا و واتش: "ئا کەسۍ گەرەکشانە جە هەرێمەکەنە بەش بەشێما بکەرا، جوابما یۊگێرتەیی و پێوەرە بیەیا.
٨٦ ملیۆن هاموڵاتیۍ تورکیای دڵشا یەکانگیرو یۊترینی مکەرا، پەرە بە وەشەسیای و یۊبیەی مڎەیمۍ و بەهێز و گۊرەتەرش مکەرمېوە. پېوەرە سەرو بنەماو دیموکراسی، وەڵێکۊتەی، ئاشتی و دادپەروەری سەڎ ساڵی ئایندەو تورکیای بنیاڎ منیەیمۍ. متاوا جە گرڎ ساتێنە مزانی وەش هۊرگێرا."
