ئەرەیاوناو مییانو ئەرەیاوناو قەسەدەی پی جۆرەنە:

"هیزی (یەرەشەمە) هێزەکێما گرڏو هرووژمەکا سوپاو ئەرەگیرو تورکی و چەتەکاش پەی سەرو یاگەکا هێزەکاما جە گرڏو قۆڵەکانە دلێنە بەردێ."

قۆڵو بەنداو تشرینینە، سوپاو ئەرەگیرو تورکی دەوروبەرو بەنداو تشرینیش بۆمبواران کەرد و چەتەکێش بە فڕۆکەی بێفڕۆکەوان هرووژمشا کەرد سەرو یاگێ هێزەکاما. بەڵام جەنگاوەرەکێما جوابو هرووژمەکەیشا داوە و یەکینەکێ گەشمەرڏو هارونی گلێرێ بیێوە چەتەکێشا کەردێ ئامانج و جە ئەنجامەنە چەتێوە کوشیا و ٢ کەسێ تەرێچ زامڏارێ بیێ.

هەرپاسە جە قۆڵو دێرحافر فڕۆکەی بێفڕۆکەوانو دۆڵەتو ئەرەگیرو تورکی سەرو ئاسمانو ناوچەکەیرە خولیاوە. چەتەکێ جە دەگاو ئەل ئیمامیۆ هرووژمشا کەرد سەرو خاڵێوە هێزەکاما بەڵام جەنگاوەرەکێما دەموو دەس جوابشا دێوە و شەڕ ئاما ئاراوە و جە ئەنجامەنە ژمارێوە چەتێ زامڏارێ بیێ و مۆڵگەو چەتەکا ناوچەکەنە دلێنەبەر

یاگێ تەرەو قۆڵو دێرحافری، جەنگاوەرەکێما هرووژمێ تەرو چەتەکاشا وەربەچ داوە و جەنگ نزیکو مۆڵگەو چەتەکاوە ئاما ئاراوە. جە ئەنجامەنە ژمارێوە چەتێ زامڏارێ بیێ و کەرەستەکێشا دلێنە بریێ. جە هەمان کاتەنە ٢چەتێ کە هەوڵشادا بلانە دلێ نوقتێوە هێزەکاماوە، جە ئەنجامو ئاگادارکەردەیۆ هێزەکاما هەردووی چەتەکێ باڵبەسێ کریێ.

جە قۆڵو قەرەقۆزاقیۆ، فڕۆکە جەنگییەکێ سوپاو ئەرەگیرو تورکی دەگاکا ئەل تینا، خەسەق و بیر حەسۆشا بۆمبواران کەرد، هەرپاسە دەگاکا ئەل تینا، جادا، بیر حەسۆ، خەسەق، دیکان، مالها و سەرنییە و تەپۆڵکەکێ سێڤێ و قەرەقوزاقیشا بۆمبواران کەردێ، زیاتەر جە ٩٥ گولـلە هاوەنا جە ناوچەکەی دریێنێ و جە ئەنجامەنە زەرەرێ ماددی وەرو یانە و موڵکو هاموڵاتیا کەوتەن.

چەتەکئ دۆڵەتو ئەرەگیرو تورکی بە پاڵپەشتی تۆپ شاناکا، هرووژمشا کەرد سەرو نوقتێ هێزەکاما و جەنگی تن ڕووەشدا و جە ئەنجامەنە ژمارێوە چەتێ کوشیێ و زامڏارێ بیێ، بەڵام ژمارەش دیار نەبییەن."